Luka 24:4 - Tosi Tapu

⁴ I le sevaia o alatou fakakaukau, ko leinei, na sa loa kia latou ni tagata e toka lua, ala na teu gigila.

Luka 24:4 ပူးပေါင်းရင်းမြစ်များ

Senesi 18:2

Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.

Maleko 16:5

Na lotou ulu loa ki le tanuma, o tio loa ki se tagata tupulaga e tonatona i le fetuu atamai, ti na kofu ki se kofu tea ; ti na lotou i lasi ai.

Luka 2:9

Ti ko leinei, na sa loa se aselo o le Aliki kia latou, ti na malama loa le kololia o le Aliki o takatakai latou. Na lotou i lasi ai.

Luka 24:5

I lolatou i, o punou olotou mata ki le kele, na pati loa le sa tagata kia latou : Kolea e kotou afa ai i le kau mate leia e mauli ?

Gaoi 1:10

Ti i lalatou koi tio fakamaumau ki le lagi i lana mavae, na sa mai loa ni tagata kofu tetea e toka lua kia latou,

Gaoi 12:7

Ti ko leinei, na tuu mai loa se aselo o le Aliki, ti na mu loa se malama i le loto fale pilisoni. Ti na fafagu loa e le aselo a Petelo, o papa ki lona fetuu, o pati : Tuu vave ki aluga ! Ti na vivilo loa a tini mei ona lima.

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.