Luka 24:36 - Tosi Tapu

³⁶ I lala masau, na tuu loa Sesu totonu i loto malie o latou, o pati : Ke nofo le tokamalie mo koutou !

Luka 24:36 ပူးပေါင်းရင်းမြစ်များ

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Mateo 10:13

ti kapau e tali a ia e le loto fale lena, ti ke ifo lokoutou tokamalie ki le loto fale lena ; kae kapau e leaise tali a ia e le loto fale lena, ti ke toe liliu mai lokoutou tokamalie kia koutou.

Maleko 16:14

Ti na sili a ia, na toe sa loa Sesu ki le tino agafulu tupu tasi, kae lotou lolotoga kai ; ti na valoki loa e ia kia latou lolatou tui gataa mo le fefeka o olatou loto, talie na leaise lotou tui kia latou ala na tio kiate ia kua toe tuuake.

Luka 10:5

I fale ala e kotou ulu ki ai, kotou pati mua : Ke nofo le tokamalie i le fale leinei !

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Gaoi 1:3

I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.

Uluaki tosi ki le kau Kolinto 15:5

ti na sa a ia kia Kefasi, ti mo le tino agafulu tupu lua.

Uluaki tosi ki le kau Kolinto 15:7

Ti na sa loa a ia kia Sakopo, ti mo la ake apositolo fuli.

Lua tosi ki le kau Tesalonika 3:16

Ke alofa le Aliki o le tokamalie o soli totonu kia koutou le tokamalie i temi fuli, i nea fuli ! Ke nofo le Aliki mo koutou fuli !

Apokalipisi 1:4

Ko au Soane ki Ekelesia e fitu ala e tuu i Asia : Ke soli atu kia koutou le kalasia mo le tokamalie mei leia e agai, leia na agai, leia e au, ti mei Laumalie e fitu ala i mua o lona ekeekeaga fakasau,