Luka 24:29 - Tosi Tapu

²⁹ Kae na la taofi loa a ia, o pati : Nofo mo maua, talie kua ofi le pouli, ti kua vave oki le aso. Na ulu loa a ia ki fale, ke nofo mo laua.

Luka 24:29 ပူးပေါင်းရင်းမြစ်များ

Senesi 19:3

Kae na fakamakeke ake loa a Lote kia laua, o la ano ai loa ki lona fale, ti na la ulu loa ki lona fale. Na fai loa e Lote se kai kia laua, o tao loa e ia ni pane sala fakatupu. Ti na la kakai loa.

Lua tosi o Sau 4:8

I se aso na fakalaka Eliseo i Sunami. Na nofo i ai se fafine mauiga, leia na taofi ia a ia ke kai. I ana fakalakaaga fuli i ai, na ano a ia o kai i le kaiga o le fafine.

Luka 14:23

Ti na pati loa le pule ki le tagata fakasausau : Ano ki ala matua ti mo ala vaoa, o fakamakeke latou fuli ala e ke maua loa ke ulu ki loto, o tupu ke apele loku fale.

Luka 24:28

Na lotou kaku loa ki le kolo leia na la ano ki ai, ti na sakinake loa a ia e fia soko atu.

Luka 24:30

I lana nofo mo laua i le laupapa kai, na too loa e ia le pane, o fakafetai, ti na tofitofi loa e ia a ia, o soli kia laua.

Gaoi 16:14

Ko se tasi o latou, na igoa ko Litia, fafine fakatau kie kula mauiga mei le kolo ko Tiatile, na fakalogo. Ti na fakamavaa loa e le Aliki lona loto, o tupu ke tokaga a ia ki le nea leia na masau ki ai Paulo.