Luka 24:28 - Tosi Tapu

²⁸ Na lotou kaku loa ki le kolo leia na la ano ki ai, ti na sakinake loa a ia e fia soko atu.

Luka 24:28 ပူးပေါင်းရင်းမြစ်များ

Senesi 19:2

Ti na pati loa a ia : E kau kole atu kia koulua ke kolua fakamalie o ulu mai ki loku fale, o kolua nonofo ai i le po leinei. E kolua fufulu ai loa okoulua vae, ti o kolua tutuu ake loa i le usu o soko atu lokoulua fanoga. Kae na la tali loa kiate ia : Leai ! E ma nofo fai i le po nei i le lapalasi fakafenua o le kolo.

Senesi 32:26

Ti na pati loa le tagata : Tuku mai au ke kau ano, talie kua malama le mafoata. Na tali loa Sakopo : E leaise kau tuku loa a koe ke ke ano, kae e leikiaise ke tapuaki mai kiate au.

Senesi 42:7

Na tio loa Sosefo ki ona fetaina, ti na iloa loa e ia latou. Kae na fai loa a ia kia latou pe se nea kese, ti na masau makeke loa a ia kia latou, o pati : E kotou au meifea ? Na lotou tali loa : E motou au mei le fenua o Kanaane, o totogi nea kai.

Maleko 6:48

Na tio loa a ia kua lotou pakia ai i le foe ; talie na fakatau le matagi kia latou. I le vae ola tolu mafoata, na ano loa a ia kia latou, o saele i aluga o le tai, ti na fia fakalaka loa a ia ia latou.

Luka 24:29

Kae na la taofi loa a ia, o pati : Nofo mo maua, talie kua ofi le pouli, ti kua vave oki le aso. Na ulu loa a ia ki fale, ke nofo mo laua.