Luka 24:27 - Tosi Tapu

²⁷ Ti na kamata loa a ia meia Moisese ti mo le kau polofeta fuli, o fakamatala kia laua i le Tositapu katoa a nea o uiga mo ia.

Luka 24:27 ပူးပေါင်းရင်းမြစ်များ

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 132:11

Na fakapapau le Eteleno kia Tavite i le maoki, E leaise toe liliu loa a ia ki muli : E kau fakaeke loa i lou ekeekeaga fakasau se fua o lou manava.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Esaia 9:1

Ko le kakai leia na saele i le fakapouli Kua tio ki se malama lasi ; Ko latou ala na nonofo i le fenua o le ata o le mate, Kua mu kia latou se malama.

Esekiele 34:23

E kau tuku loa ki le ulu o laku kau manu se tausi manu e tasi, leia e poto loa i lona fagai, ti ko le tagata lena ko laku tagata fakasausau ko Tavite ; ko ia leia e fagai ia loa latou, ti e liliu loa a ia ko le tausi ovi maoki kia latou.

Esekiele 37:25

E lotou nofo loa i le fenua leia na kau soli ki laku tagata fakasausau ko Sakopo, ti na nofo ai okoutou tamana. E lotou nonofo loa i ai, latou, mo alatou fanau, ti mo fanau o alatou fanau, o lee gato ; ti e nofo loa laku tagata fakasausau ko Tavite ko lolatou sau o lee gato.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Mikea 5:6

E nofo loa le toega o Sakopo i loto malie o ni kakai toka api Ofaipe se sasau leia e au mei le Eteleno, Ofaipe ni motii vai i le mutie : E leaise lotou fanaki ki le tagata, E leaise lotou fakalogo ki fanau a tagata.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Numelo 21:14

Koia leia e pati ai i le tosi isitolia o tau a le Eteleno :… Vaepi i Sufa, mo liua makeke o Alanoni,

Maleko 4:34

Na leaise masau fua a ia kia latou o sala fakatata ; kae ka lotou tefua, na fakamatala e ia a nea fuli ki ana tisipulo.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Luka 24:44

Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Soane 1:45

Na felavei loa Filipo mo Natanaele, ti na pati loa a ia kiate ia : Kua motou maua leia na tosi ki ai Moisese mo le kau polofeta, ko Sesu mei Nasaleti, vosa o Sosefo.

Soane 12:41

Na pati loa Esaia ki nea ana, i lana tio ki lona kololia, ti mo lana masau kiate ia.

Soane 5:37

Ti ko le Tamana leia na kakau ia mai au na fakamaoki totonu kiate au. Na leaise kotou logo fua ki lona leo i se aso, pe tio ki ona mata,

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Gaoi 10:43

Ti na fakamaoki kiate ia le kau polofeta fuli : ko leia e tui kiate ia e tali loa e ia i lona suafa le fakamolemole o agasala.

Gaoi 3:18

Kae i le nea lena kua fakasoko e le Atua le nea leia na fakasa fakatomua e ia i le gutu o ana polofeta fuli, e tonu ke mamae lona Kilisito.

Gaoi 3:22

Na pati Moisese : Ko le Aliki lokoutou Atua e fakanofo ia loa mei okoutou fetaina se polofeta kia koutou ofaipe au ; e kotou fakalogo loa kiate ia i nea fuli ala e fakasa atu loa e ia kia koutou,

Gaoi 3:24

Io, na masau le kau polofeta katoa, meia Samuele ki muli, o fakasa a aso anei.

Gaoi 7:37

Ko le Moisese lena, leia na pati loa ki vosa o Iselaele : E fakatuu ake loa kia koutou e le Atua i okoutou fetaina se polofeta ofaipe au.

Gaoi 8:35

Ti na masau loa Filipo, o kamata i le koga tosi lena, ti na fakasa loa e ia kiate ia le logo malie o Sesu.

Tetelonome 1:45

I lakoutou toe liliu mai, na kotou tagi loa i mua o le Eteleno ; kae na leaise fakalogo loa le Eteleno ki lokoutou leo, ti na leaise tokaga loa a ia kia koutou.

Tetelonome 18:15

E fakatuu ake loa e le Eteleno, lou Atua, i loto malie o ou, i ou fetaina, se polofeta o tatau mo au : ke kotou fakalogo loa kiate ia !

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.