Luka 23:51 - Tosi Tapu

⁵¹ ti na leaise kau a ia ki le nea leia na fakatuutuu ti mo fai e la ake tagata o le fono lasi. Na au a ia mei le kolo o le kau Sutea ko Alimatea, ti na talitali a ia ki le puleaga o le Atua.

Luka 23:51 ပူးပေါင်းရင်းမြစ်များ

Senesi 49:18

E kau fanaki ki le Eteleno, ko loku tokoi !

Ekesote 23:2

Aua na ke muli loa i le toka api, o fai se nea leia e veli ; ti aua na ke fakamaoki loa i se fakamaauaga kia latou ala e toka api o agatuu ki le maoki.

Taagapati 1:10

Ei loku vosa, kapau e loto loa ni tagata agasala ke ave a koe ki le veli, Aua na ke tali latou.

Esaia 8:12

Aua na kotou fakaigoa ko le tau a nea fuli ala e fakaigoa e le kakai leinei ko le tau ; Aua na kotou i ki le nea leia e lotou i ki ai, ti aua na kotou lulu.

Mateo 27:57

I le afiafi, na tau mai loa se tagata mou koloa mei Alimatea, leia na igoa ko Sosefo, ko se tisipulo foki a Sesu.

Maleko 15:43

na kaku mai loa Sosefo mei Alimatea, ko se tagata fono mauiga, leia na talitali foki ki le puleaga o le Atua. Na toa loa a ia o ano kia Pilato, o kole le tino o Sesu.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Luka 2:38

I lana kaku totonu mai i le ola lena, na fakafetai a ia ki le Atua, ti na masau a ia kia Sesu kia latou fuli ala na talitali ki le saofaki o Selusalemi.

Luka 23:42

Ti na pati loa a ia kia Sesu : Aliki, manatui au mo ka ke au loa i lou puleaga.

Luka 23:52

Na ano loa le tagata lena kia Pilato, o kole le tino o Sesu.

Uluaki tosi a Samuele 1:1

Na i ai se tagata o Lamataimi-Tesofimi, i le mauga o Efalaimi, na igoa ko Elekana, vosa o Seloame, vosa o Eliu, vosa o Tou, vosa o Tesufe, ko se tagata Efalata.