Luka 23:33 - Tosi Tapu

³³ I lalatou kaku ki le ganea na igoa ko Ulupoko, na lotou tutuki loa Sesu ki le koluse mo tagata agaveveli e toka lua, ko le tasi i le fetuu atamai, ti ko le tasi i le fetuu sema.

Luka 23:33 ပူးပေါင်းရင်းမြစ်များ

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Soane 18:32

Ti na fakasoko ai le folafola a Sesu, i lana fakasa le mate leia e tonu ke mate ai a ia.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Tetelonome 21:23

e leaise ke tuku loa le mate ke tau i le laakau i le pouli ki le ao. Kae e ke tanu loa a ia i le aso lena, talie ko leia e tau i le laakau ko se malaia a ia i mua o le Atua, ti e leaise ke fakakelekele loa le fenua leia e tuku atu loa kiate koe e le Eteleno, lou Atua, ke ke maua tofiga.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Gaoi 13:29

I le oki o lalatou fakasoko a nea fuli ala na tosi kia Sesu, na lotou too loa a ia mei le koluse, o tuku ki se tanuma.

Gaoi 5:30

Kua toe fakatuuake e le Atua o otatou tamana a Sesu, leia na kotou tamate, o tautau a ia ki le laakau.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Soane 3:14

Ti ofaipe Moisese na fakatuu ia le gata i le toafa, e tonu foki ke fakatuu le Vosa o le tagata ki aluga,

Luka 24:7

o pati : E tonu ke tuku le Vosa o le tagata ki lima o le kau agasala, ke tutuki a ia ki le koluse, ti ke toe tuuake a ia i le tolu o aso.

Mateo 26:2

E kotou iloa koi toe fai ni ga aso e lua ki le Pasikate, ti e tuku loa le Vosa o le tagata ke tutuki i le koluse.

Mateo 20:19

ti e lotou tuku loa a ia ki le kau pagani, ke lotou gologolo kiate ia, mo sasa a ia ki laakau, ti mo tutuki a ia i le koluse ; ti e toe tuuake loa a ia i le tolu o aso.

Pesalemo 22:16

E malo loku makeke ofaipe le kele kula, Ti e pipiki loku alelo ki loku gutu ; E ke tuku au ki le efu o le mate.