Luka 23:29 - Tosi Tapu

²⁹ Talie ko leinei, e soko mai loa ni aso ala e pati ai loa : Manuia latou ala e paa, manuia a manava ala na leaise fanau, ti mo u ala na leaise fakau ia !

Luka 23:29 ပူးပေါင်းရင်းမြစ်များ

Ekelesiasi 4:3

kae e toe fiafia ake ia latou ana leia e leikiaise tupu talie e leikiaise iloa e ia a gaoi veveli ala e soko i le lalo laa.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Mateo 24:19

Malaia ki fafine ala e tinanae loa ti mo latou ala e fakau toe i aso ana !

Luka 11:27

I le lolotoga o le masau a Sesu, na kalaga loa se fafine mei loto malie o le kakai kiate ia : Manuia le manava leia na fakanofo ia a koe ! Manuia a u ala na fakau ia a koe !

Luka 23:28

Na mafuli loa Sesu kia latou, o pati : Taineliki o Selusalemi, aua na kotou tagi kiate au ; kae kotou tagi kia koutou mo akoutou fanau.