Luka 22:66 - Tosi Tapu

⁶⁶ I le ao ake loa, na fakatasi loa le kau fakamatuatua o le kakai, mo le kau pule faisakilifisio, ti mo le kau sekelipa, ti na lotou fakatotonu loa ke ave Sesu ki le fono lasi.

Luka 22:66 ပူးပေါင်းရင်းမြစ်များ

Mateo 27:1

I le usu ake, na fono loa le kau pule faisakilifisio fuli mo le kau fakamatuatua o le kakai ke tamate Sesu.

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 15:1

I le usu ake fai, na fono loa le kau pule faisakilifisio, mo le kau matua fau, mo le kau sekelipa, ti mo le fono lasi katoa ki se tonu kia Sesu. Ti na lotou fakatotonu loa ke sai a ia, o ave kia Pilato.

Soane 18:28

Na lotou taki loa Sesu mei le fale o Kaifa o ave ki le peletolio ; ko le pogipogi usu lena. Na leaise lotou ulu loa ki le peletolio o tupu ke aua na lotou kelekele, kae ke feala lalatou kai le Pasikate.

Gaoi 22:5

E fakamaoki kiate au le pule faisakilifisio mo le fono o le kau fakamatuatua. Na kau maua foki meia latou ni tosi ki fetaina i Tamaso, ganea leia na kau ano ki ai, o tupu ke saisai latou ala na nonofo i ai, o aumai ki Selusalemi ke fakatuaa.