Luka 22:52 - Tosi Tapu

⁵² Na pati loa a ia ki le kau pule faisakilifisio mo le kau pule ofisa o le fale tapu, ti mo le kau fakamatuatua, ala na au o too a ia : Na kotou au mo ni seleta ti mo ni laakau, ofaipe ki se tagata kaia.

Luka 22:52 ပူးပေါင်းရင်းမြစ်များ

Lua tosi o Sau 11:15

Ti na tuku loa e le tagata faisakilifisio ko Seosata le fakatotonu leinei ki pule o tino lelau, ala na taki ia le solia : Kotou ave a ia ki fafo, ti kotou tamate ki le seleta leia e muli loa iate ia. Talie na pati le tagata faisakilifisio : Ke aua na tamate a ia i loto o le fale o le Eteleno !

Mateo 26:47

Koi lolotoga lana masau, ko leinei Sutasi, ko se tasi o le tino agafulu tupu lua, na kaku mai loa, ti mo se kakai toka api ai, mo ni seleta ti mo ni laakau, na kakau mai latou e le kau pule faisakilifisio ti mo le kau fakamatuatua o le kakai.

Mateo 26:55

I le temi lena, na pati loa Sesu ki le kakai : Kua kotou au kiate au ofaipe se tagata agaveli, mo ni seleta ti mo ni laakau, ke kotou too fakamakeke au. Na kau tonatona i aso fuli i lotolotoga o koutou, o akonaki i le fale tapu, ti na leaise kotou too fua au.

Luka 22:37

Talie e kau fakasa atu kia koutou, e tonu ke fakasoko iate au le folafola leinei e tuu i le Tosi : Na lau a ia mo le kau agaveli. Ti ko nea ala na tosi kiate au kua vave soko fua.

Luka 22:4

Ti na ano loa Sutasi o felogoi mo le kau faisakilifisio pule ti mo le kau pule ofisa, pe feaki le tuku o Sesu kia latou.

Luka 22:51

Kae na pati loa Sesu kia latou : Kua feauga, taofi ! Ti na fafa loa a ia ki le taliga o le tagata lena, o fakamauli a ia.

Luka 22:53

I aso fuli na kau nofo mo koutou i le fale tapu, ti na leai fua se kotou kapa kiate au. Kae ko le ola leinei o koutou, ti mo le makeke o le fakapouli.

Soane 17:12

I laku koi nofo mo latou i le malama nei, na kau taupau latou i lou suafa. Na kau taupau latou ala na ke soli mai kiate au, ti na leaise puli se tasi o latou, kae gato fai ki le vosa o le malaia, o tupu ke fakasoko ai le Tosi.

Gaoi 5:26

Koia na ano loa le pule solia mo le kau leo, o taki fakamalielie mai le kau apositolo, talie na lotou i na tuki fatui latou e le kakai.