Luka 22:42 - Tosi Tapu

⁴² o pati : Tamana, kapau na ke loto ki ai, fakamamao iate au le ipu leinei ! Kae, ke aua na fai ki loku finegalo, kae ki lou finegalo.

Luka 22:42 ပူးပေါင်းရင်းမြစ်များ

Pesalemo 40:8

Koia e kau pati ai : Ko leinei, e kau au Mo le takaiga tosi leia na tosi kiate au.

Esaia 51:17

Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Selemia 25:15

Talie na masau mai kiate au le Eteleno, le Atua o Iselaele, o pati : Too i loku lima le ipu leinei kua apele i le vino o loku sausau, Ti ke fakainu a ia ki atu puleaga fuli Ala e kau kakau loa a koe ki ai.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 11:26

Io, Tamana, e kau fakafetai kiate koe talie ko lou loto ke fenaaki.

Mateo 20:22

Na tali loa Sesu : E leaise kotou iloa le nea leia e kotou kole. Pe feala ke kotou inu le ipu leia e tonu ke kau inu ? Na lotou pati loa : E motou mafai a ia.

Mateo 26:39

Ti oki, na fai loa e ia ni fa sake ki mua, ti na fakapulou loa a ia ki le kele, o faikole feneeki : Loku Tamana, kapau e feala ke mamao atu le ipu nei iate au ! Kae ke aua na fai ki loku loto, kae ke fai fua ki lou finegalo.

Mateo 26:42

Na toe fakamamao loa a ia i le tua lua, o faikole feneeki : Loku Tamana, kapau e leaise feala ke mamao le ipu nei kae e leaise kau inu a ia, ke fai ki lou finegalo !

Mateo 26:44

Ti na tuku loa e ia latou, kae toe ano loa a ia o faikole, ko lona tua tolu a ia, o toe liuga a kupu ana.

Mateo 6:10

ke aumai lou pule ; ke fai lou finegalo i le kele ofaipe i Selo.

Maleko 14:36

Na pati loa a ia : Abba, Tamana, e feala a nea fuli kiate koe, fakamamao atu iate au le ipu leinei ! Kae ke aua na fai ki loku loto, kae ke fai fua ki lou finegalo.

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Soane 18:11

Ti na pati loa Sesu kia Petelo : Toe velo lau seleta ki lona tukuaga. Pe leaise kau inu loa le ipu leia na soli mai e le Tamana ke kau inu ?

Soane 4:34

Na pati loa Sesu kia latou : Ko laku nea kai ko le fai o le finegalo o leia na kakau ia mai au, ti mo le fakasoko o lana gaoi.

Soane 5:30

E leaise kau mafai fua se nea iate au totonu : E kau fakamaau o mulimuli ki le nea leia e kau logo ki ai ; ti e maoki laku fakamaau, talie e leaise kau afa ia loku finegalo, kae e kau afa le finegalo o leia na kakau ia mai au.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Gaoi 21:14

I le leaise toe fetogi o lona loto, na motou fakalologo loa, o pati : Ke fai le finegalo o le Aliki !