Luka 22:38 - Tosi Tapu

³⁸ Ti na lotou pati loa : Aliki, ko nei ni seleta e lua. Ti na pati loa a ia kia latou : E feauga.

Luka 22:38 ပူးပေါင်းရင်းမြစ်များ

Mateo 26:51

Ti ko leinei, ko se tasi o latou ala na nonofo mo Sesu, na fa loa lona lima ki lana seleta o tosoi, ti na taai loa e ia le tagata fakasausau a le pule faisakilifisio, o motu ai lona taliga.

Luka 22:36

Ti na pati loa a ia kia latou : Kae i le aso nei, ko leia e maua ia sana paaga ke too e ia a ia, ti ko leia e maua ia sana taga ke too e ia a ia, ti ko leia e sala seleta ke fakatau e ia lona kofu o totogi ai se seleta.

Luka 22:49

I le tio a latou ala na nonofo mo Sesu ki le nea leia kua soko, na lotou pati loa kiate ia : Aliki, pe motou taai ki amatou seleta ?

Soane 18:36

Na tali loa Sesu : E leaise kau loku puleaga i le malama nei. Kana kau loku puleaga i le malama nei, e tau loa aku tagata fakasausau kiate au o tupu ke aua na tuku au ki le kau Sutea ; kae i le lakaga nei e leaise kau loku puleaga i lalo nei.

Uluaki tosi ki le kau Tesalonika 5:8

Kae ko tatou ala e kau i le ao, tou fakapotopoto, tou kofu le kofu tau o le tui mo le alofa, ti tou too le puloga tau o le amanaki malie o le fakamauli.

Uluaki tosi a Petelo 5:9

Kotou tekei a ia ki se tui makeke, o kotou iloa e tali foki a mamae ana e okoutou fetaina i le malama nei.