Luka 22:37 - Tosi Tapu

³⁷ Talie e kau fakasa atu kia koutou, e tonu ke fakasoko iate au le folafola leinei e tuu i le Tosi : Na lau a ia mo le kau agaveli. Ti ko nea ala na tosi kiate au kua vave soko fua.

Luka 22:37 ပူးပေါင်းရင်းမြစ်များ

Esaia 53:12

Koia e kau soli ai loa kiate ia lona vaega mo le kau lalasi ; E vae loa e ia le koloa o le tau mo le kau makeke, O tupu na tuku e ia a ia totonu ki le mate, Ti na lau a ia i le kau tukipo, Talie na amo e ia a agasala a le toka api, Ti na ulufaki e ia le kau agasala.

Maleko 15:27

Na lotou tutuki loa i ni koluse, o fakatasi mo ia, ni tagata agaveveli e toka lua, ko le tasi i lona fetuu atamai, ti ko le tasi i lona fetuu sema.

Maleko 15:28

Ti na fakasoko ai le nea leia e fakasa e le Tosi : Na lau a ia mo le kau agaveli.

Luka 18:31

Na too loa e Sesu le tino agafulu tupu lua, o pati kia latou : Ko leinei, e tou pale ki Selusalemi, ti e soko loa a nea fuli ala kua tosi e le kau polofeta ki le Vosa o le tagata.

Luka 22:22

E maoki, e ano loa le Vosa o le tagata, o mulimuli ki le nea leia kua fakatuutuu kiate ia. Kae malaia ki le tagata leia ka fakatau ia loa a ia !

Luka 22:36

Ti na pati loa a ia kia latou : Kae i le aso nei, ko leia e maua ia sana paaga ke too e ia a ia, ti ko leia e maua ia sana taga ke too e ia a ia, ti ko leia e sala seleta ke fakatau e ia lona kofu o totogi ai se seleta.

Luka 22:52

Na pati loa a ia ki le kau pule faisakilifisio mo le kau pule ofisa o le fale tapu, ti mo le kau fakamatuatua, ala na au o too a ia : Na kotou au mo ni seleta ti mo ni laakau, ofaipe ki se tagata kaia.

Luka 23:32

Na taki foki mo ni tagata agaveveli e toka lua ke tamate fakatasi mo Sesu.

Luka 24:27

Ti na kamata loa a ia meia Moisese ti mo le kau polofeta fuli, o fakamatala kia laua i le Tositapu katoa a nea o uiga mo ia.

Soane 10:35

Kapau na fakaigoa e ia ko atua latou ala na fakasa ki ai le folafola a le Atua, ti kapau e leaise feala ke puli le folafola,

Soane 17:4

Kua kau fakakololia a koe i le malama nei : kua kau fakaoki le gaoi leia na ke tuku mai ke kau fai.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -