Luka 22:36 - Tosi Tapu

³⁶ Ti na pati loa a ia kia latou : Kae i le aso nei, ko leia e maua ia sana paaga ke too e ia a ia, ti ko leia e maua ia sana taga ke too e ia a ia, ti ko leia e sala seleta ke fakatau e ia lona kofu o totogi ai se seleta.

Luka 22:36 ပူးပေါင်းရင်းမြစ်များ

Mateo 10:10

pe ko se taga ki le folau, pe ko ni kofu e lua, pe ko ni taka, pe ko se tokotoko ; talie e tonu ke maua e le tagata gaoi lana nea kai.

Luka 22:35

Ti na toe pati loa Sesu kia latou : I laku kakau koutou sala paaga, mo sala taga, ti mo sala taka, pe na puli se nea kia koutou ? Na lotou tali loa : Leai !

Luka 22:37

Talie e kau fakasa atu kia koutou, e tonu ke fakasoko iate au le folafola leinei e tuu i le Tosi : Na lau a ia mo le kau agaveli. Ti ko nea ala na tosi kiate au kua vave soko fua.

Luka 22:38

Ti na lotou pati loa : Aliki, ko nei ni seleta e lua. Ti na pati loa a ia kia latou : E feauga.

Soane 15:20

Kotou manatui le folafola leia na kau fakasa atu kia koutou : E leaise lasi ake le tagata fakasausau i lona pule. Kapau na lotou fakavelivelii au, ti e lotou toe fakavelivelii foki mo koutou ; kapau na lotou fai laku folafola, ti e lotou toe fai foki lakoutou folafola.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Uluaki tosi ki le kau Tesalonika 3:4

Ti i le temi leia na motou nonofo ai mo koutou, na motou fakasa fakatomua atu kia koutou e tou tali loa ni mamae, ofaipe le nea leia kua soko ti kua kotou iloa.

Uluaki tosi a Petelo 4:1

Talie na mamae Kilisito i lona tino, koia kotou teu masafu foki ki le manatu lena ; talie ko leia kua mamae i le tino kua tuku e ia le agasala,