Luka 22:22 - Tosi Tapu

²² E maoki, e ano loa le Vosa o le tagata, o mulimuli ki le nea leia kua fakatuutuu kiate ia. Kae malaia ki le tagata leia ka fakatau ia loa a ia !

Luka 22:22 ပူးပေါင်းရင်းမြစ်များ

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Mateo 26:24

E ano le Vosa o le tagata, o mulimuli ki le nea leia kua tosi kiate ia. Kae malaia ki le tagata leia e fakatau ia le Vosa o le tagata ! E malie ake ke aua na tupu le tagata lena.

Mateo 27:5

Na ti loa e Sutasi a fa paaga siliva ki le fale tapu, ti na mavae loa a ia o ano, o nonoa lona ua ke tautau.

Maleko 14:21

E ano le Vosa o le tagata o mulimuli ki le nea leia kua tosi kiate ia. Kae malaia ki le tagata leia e fakatau ia le Vosa o le tagata ? Na malie ake ki le tagata lena ke aua na tupu a ia.

Luka 22:23

Ti na lotou kamata loa le fevesiliaki pe ko ai leia ia latou ka fai ia loa le nea lena.

Luka 24:46

Ti na pati loa a ia kia latou : E tuu foki i le tosi : E mamae loa le Kilisito, ti e toe tuuake loa a ia mei le kau mate i le tolu o aso,

Soane 17:12

I laku koi nofo mo latou i le malama nei, na kau taupau latou i lou suafa. Na kau taupau latou ala na ke soli mai kiate au, ti na leaise puli se tasi o latou, kae gato fai ki le vosa o le malaia, o tupu ke fakasoko ai le Tosi.

Gaoi 10:42

Ti na fakatotonu mai e Sesu kia matou ke fakasa ki le kakai mo fakamaoki ko ia totonu leia kua fakanofo e le Atua ko le tui fakamaau o le kau mauli mo le kau mate.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.