Luka 21:36 - Tosi Tapu

³⁶ Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Luka 21:36 ပူးပေါင်းရင်းမြစ်များ

Sopo 27:10

Pe maua e ia lona fiafia i le Mafimafi ? Pe faikole a ia i temi fuli ki le Atua ?

Pesalemo 1:5

Koia e leaise tutuu ai le kau agaveli i le aso o le fakamaau, Pe ko le kau agasala i le fakatasi a le kau agatonu ;

Selemia 35:19

o tupu ko le nea lena, e folafola le Eteleno o kau tau, le Atua o Iselaele, o pati : E leaise mativa loa Sonatape, vosa o Lekape, i se tagata ke tuu i oku mua, o lee gato.

Malakia 3:2

Ko ai e mafai loa ke tuu i le aso o lana saele mai ? Ko ai e tuu loa i aluga mo ka sa mai loa a ia ? Talie e fai loa a ia pe le afi a le tagata saka ukamea, Pe le topa a le tagata faifo.

Mateo 24:42

Kotou alaala, talie e leaise kotou iloa le aso leia e au ai loa lokoutou Aliki.

Mateo 24:43

Ke kotou iloa le nea lena, kapau na iloa e le pule o le kaiga le ola o le pouli leia e tonu ke au ai le tagata kaia, e alaala loa a ia ti e leaise tuku loa e ia ke ului lona fale.

Mateo 24:44

Ti ko koutou foki, ke kotou nonofo teuteu, talie e au loa le Vosa o le tagata i le ola leia e leaise kotou talitali ki ai.

Mateo 25:13

Koia kotou alaala ai, talie e leaise kotou iloa le aso mo le ola.

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Maleko 13:33

Kotou tokaga, kotou alaala, ti kotou faikole ; talie e leaise kotou iloa pe au fakaa loa le aso lena.

Maleko 13:37

Ko le nea leia e kau fakasa kia koutou, e kau fakasa a ia ki tagata fuli : Kotou alaala.

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Luka 20:35

kae ko latou ala ka maua loa e gali ke kau ki le sekulo ka au ti mo le toe tuuake o le kau mate, e leaise toe too ia loa ni avaga.

Luka 21:35

Talie e au loa a ia, ofaipe se kupega, kia latou fuli ala e nonofo i le malama nei katoa.

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Lua tosi ki le kau Kolinto 4:14

o ma iloa ko leia na toe fakatuuake ia le Aliki ko Sesu, e toe fakatuuake ia loa maua foki mo Sesu, ti e fakasa loa e ia maua mo koutou i ona mua.

Kolose 4:2

Kotou kataki fualoa i le faikole, kotou alaala i ni faikole mo ni fakafetai ki le Atua.

Uluaki tosi ki le kau Tesalonika 5:17

Kotou faikole sosoko.

Lua tosi kia Timoteo 4:5

Kae ko koe, fakapotopoto i nea fuli, kataki a mamae, fai le gaoi a se evaselisita, fai ke katoa malie lau gaoi.

Uluaki tosi a Petelo 4:7

Kua ofi le fakaoki o nea fuli. Koia ke kotou popoto mo alaala, o tokaga ki le faikole.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Apokalipisi 11:4

Ko laua ko ni oliveto e lua ti mo ni tekiaga malama e lua ala e tutuu i mua o le Aliki o le malama nei.

Apokalipisi 6:17

talie kua soko le aso lasi o lona sausau, ti ko ai e mafai ke tuu ?

Apokalipisi 7:9

I le oki o le nea lena, na kau tio loa, ti ko leinei, na i ai loa se kakai toka api ai, leia na leaise mafai ke lau e se tasi, mei puleaga fuli, mo faasiga fuli, mo kakai fuli, mo masau fuli. Na lotou tutuu i mua o le ekeekeaga fakasau ti mo le Akeno, kua lotou kofu ki ni kofu tetea, ti na lotou too ni lau palema i olatou lima.

Apokalipisi 8:2

Ti na kau tio loa ki aselo e fitu ala e tutuu i mua o le Atua, ti na soli loa kia latou ni fakatagi pupusi e fitu.