Luka 20:35 - Tosi Tapu

³⁵ kae ko latou ala ka maua loa e gali ke kau ki le sekulo ka au ti mo le toe tuuake o le kau mate, e leaise toe too ia loa ni avaga.

Luka 20:35 ပူးပေါင်းရင်းမြစ်များ

Mateo 12:32

Ko leia e masau veli loa ki le Vosa o le tagata, e fakamolemole loa kiate ia ; kae ko leia e masau veli loa ki le Laumalie Maokioki, e leaise toe fakamolemole loa kiate ia i le sekulo leinei pe ko le sekulo ka au.

Mateo 22:29

Na tali loa Sesu kia latou : E kotou nofo i le faisala, talie e leaise kotou matala fua ki le tosi ti mo le mafimafi o le Atua.

Maleko 10:42

Ti na kalagai loa latou e Sesu, o pati : E kotou iloa ko latou ala kua fakanofo ko pule o puleaga e taki fakamakeke ia latou ; ti e faifaitalisa le kau lalasi kia latou.

Maleko 12:24

Na tali loa Sesu kia latou : Ko leinei le tupuaga o lakotou fai sala : E leaise kotou matala ki le Tosi ti mo le mafimafi o le Atua.

Luka 16:8

Na vikiviki loa e le pule le tagata taupau koloa lee agatonu lena, i lona poto i le fai o ni puleaki kaka. Talie e poto ake a fanau o le sekulo leinei i le fai koloa mo olatou tautagata i fanau o le malama.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Soane 5:29

Ko latou ala na fai ia loa le malie e toe tuuake loa ki le mauli, kae ko latou ala na fai ia le veli e toe tuuake loa ki le fakamaau.

Gaoi 24:15

ti e kau maua i le Atua le amanaki malie leinei, leia e lotou maua foki e latou anei, e i ai loa se toe tuuake o le kau agatonu mo le kau lee agatonu.

Gaoi 5:41

Ti na ano loa le kau apositolo mei mua o le fono lasi i le fiafia, talie kua lotou aoga ki le tali o lauveli o tupu ko le suafa o Sesu.

Lua tosi ki le kau Tesalonika 1:5

Ko le fakamaoki lena o le fakamaau faitotonu o le Atua, o tupu ke lau kotou e kotou gali mo le Puleaga o le Atua, leia e kotou mamae ai.

Epelo 11:35

Na toe maua loa e ni fafine olatou mate i le toe tuuake ; Ti na fakavelivelii loa ni iki, o leaise lotou tali loa se saofaki, o tupu ke maua se toe tuuake leia e malie tukupau ake ;

Apokalipisi 3:4

Kae e ke maua i Salete ni tagata ala na leaise fakakelekele ia olatou kofu ; e lotou saele loa mo au i ni kofu tetea, talie e lotou gali mo kofu ana.