Luka 20:20 - Tosi Tapu

²⁰ Na lotou kamata lamalama loa Sesu ; ti na lotou kakau loa ni tagata poto i le faifaitaki o le agatonu, o tupu ke lotou fai kiate ia ni masele ke maua ai ni masau meiate ia, o tupu ke lotou ave a ia ki le tui fakamaau mo le kovana.

Luka 20:20 ပူးပေါင်းရင်းမြစ်များ

Lua tosi a Samuele 14:2

Ti na kakau loa e Soape ke aumai mei Tekoa se fafine poto, ti na pati loa a ia ki le fafine : Ke ke fai pe se fafine leia e mamae, ti ke ke kofu ofaipe se fafine leia e putu ; aua na ke fakamanogi, ti ke ke fai pe se fafine leia e tagi ki se mate talu mei fualoa.

Pesalemo 38:12

Kua fakamamao oku kaukaunea mo oku kaiga i loku lavea, Ti kua tutuu oku famili totonu mei mamao.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 81:15

I se kemo o le mata, e kau fakaluma ia loa olatou fili, E kau fakamaliu loa loku lima kia latou ala e vesia kia latou.

Selemia 11:19

Na kau faipe se akeno lalata leia e ave ki le fale tamate manu, Ti na leaise kau iloa alotou fakatuutuu veveli na lotou fai kiate au : Tou maumaui le laakau mo lona fua ! Tou tuuti a ia i le kele o le kau mauli, Ti ke aua na toe manatu ki lona igoa !

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Taniela 6:4

Ti na afa loa e le kau pule mo le kau aliki se faigamalie ke fakalakasala ai Taniela o uiga mo nea o le puleaga. Kae na leaise lotou maua se faigamalie, pe ko se nea ke fakalakasala ai, talie na agatonu a ia ti na leaise maua iate ia se sala pe ko se nea veli fua e tasi.

Mateo 27:2

Na lotou sai loa a ia, ti na lotou ave loa a ia kia Posio Pilato, le kovana.

Maleko 3:2

Na lotou lama loa Sesu, ke tio pe fakamauli loa e ia le tagata lena i le aso o le sapato : O tupu ke mafai ai lona fakalakasala.

Luka 11:54

o fai ni masele kiate ia, ke fakamauatoka ai se masau sala mei lona gutu.

Luka 20:21

Na fai loa e latou ana le vesili leinei kiate ia : Pule, e motou iloa e ke masau mo akonaki i le maoki, ti e leaise ke tio ki le nea leia e sa i tafa, kae e ke fakasa le ala o le Atua i le maoki katoa.

Luka 20:26

Ti na leaise mafai loa ke lotou maua se sala i ana masau i mua o le kakai ; kae i lalatou punamauli i lana tali, na lotou fakalologo loa.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.