Luka 20:16 - Tosi Tapu

¹⁶ E au loa a ia, ti e tamate loa e ia a tagata faivite ana, kae soli loa e ia le vite ki ni iki ake. I le logo a le kakai ki le nea lena, na lotou pati loa : E leaise fenaaki loa !

Luka 20:16 ပူးပေါင်းရင်းမြစ်များ

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Mateo 21:41

Na lotou tali loa kia Sesu : E tamate fakaveliveli loa e ia a tagata itaita ana, kae toe lue loa e ia le vite ki ni iki ake tagata faivite, ala e soli ia loa kiate ia le fua o le vite i le temi o le fuata.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Maleko 12:9

Kolea loa ka fai e le pule o le vite ? E au loa a ia o tamate le kau tagata faivite, kae e soli loa e ia le vite ki ni iki ake.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Luka 20:15

Ti na lotou ti loa a ia ki tafa o le vite, ti na lotou tamate loa a ia. I le temi nei, kolea ka fai loa e le pule o le vite kia latou ?

Gaoi 13:46

Kae na asilisili loto makeke loa Paulo mo Palenapa, o pati kia latou : Na tonu ke uluaki fakasa mua kia koutou le folafola a le Atua ; kae, o tupu e kotou fakafiti ki ai, ti e kotou fakasa e leaise kotou aoga ki le mauli lee gato, ko leinei, e ma maliu loa ki le kau pagani.

Loma 11:1

E kau pati loa : Pe kua tiaki e le Atua lona kakai ? E leai ai ! Talie ko au foki, e kau Iselaele, mei le sakoga o Apalaamo, mei le faasiga o Pesamino.

Loma 11:11

Koia e kau pati ai : Pe kua lotou tukia ke lotou siga o talu oki ? E leai ai ! Kae, i lolatou siga, kua maua ai le fakamauli e le kau pagani ke tupu ai le finenonofo o le kau Iselaele.

Loma 3:31

Pe tou fakapuli ai loa le lao i le tui ? E leai ai ! Kae, e motou fakamaoki ki le lao.

Loma 3:4

E leai ai ! Ke maoki le Atua, kae loi tagata fuli, o mulimuli ki le nea leia kua tosi : O tupu ke maua a koe e faitotonu i au masau, Ti ke ke malo i lou fakamaau.

Loma 3:6

E leai ai ! Talie kapau ko ia, pe feaki loa le fakamaaui e le Atua le malama nei ?

Loma 6:15

E a koia ! Pe tou agasala loa talie e leaise tou nonofo i le lao, kae i le kalasia ? Leai ai !

Loma 6:2

E leai ai ! Ko tatou ala kua mate ki le agasala, e feaki loa ke tou toe mauli i le agasala ?

Loma 7:13

Pe kua liliu le nea leia e malie ko se mateaga kiate au ? E leai ai ! Kae ko le agasala, o tupu ke sa a ia ko le agasala i lana tuku mai kiate au le mate i le nea e malie, e liliu o toe asilisili agasala.

Loma 7:7

Kolea loa latatou pati ? Pe agasala le lao ? Leai ai ! Kae ka na aua le lao, na leaise kau iloa le agasala. Talie na leaise mafai ke kau iloa le manumanu, mo ka na leaise pati le lao : Aua na ke manumanu loa.

Loma 9:14

Kolea loa ka tou pati ? Pe leaise faitotonu le Atua ? E leai ai !

Uluaki tosi ki le kau Kolinto 6:15

Pe leaise kotou iloa ko okoutou tino ko koga tino o Kilisito ? Ti e kau too loa a koga tino o Kilisito, o fakaliliu ko koga tino o se fafine fai feauaki ?

Kalate 2:17

Ti kapau, i latatou lolotoga afa ke fakamatatonu tatou ia Kilisito, kua maua tatou ko le kau agasala, pe kua liliu ai Kilisito ko se tagata gaoi a le agasala ? Leai ai !

Kalate 3:21

Pe fakafesagai le lao ki fakapapau a le Atua ? E leai ai ! Ka na soli mai se lao leia e mafai ke soli ia le mauli, e au maoki loa le faitotonu mei le lao.

Kalate 6:14

Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei.