Luka 2:9 - Tosi Tapu

⁹ Ti ko leinei, na sa loa se aselo o le Aliki kia latou, ti na malama loa le kololia o le Aliki o takatakai latou. Na lotou i lasi ai.

Luka 2:9 ပူးပေါင်းရင်းမြစ်များ

Uluaki tosi o Sau 8:11

Na leaise mafai loa ke nofo i loto a tagata faisakilifisio o fai le tausi, o tupu ko le ao ; talie kua fakaapele e le kololia o le Eteleno le fale o le Eteleno.

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 16:7

I le usu, e kotou tio loa ki le kololia o le Eteleno, talie kua logo a ia ki akoutou gugu ki le Eteleno ; ti ko ai maua, ke kotou gugu ai kia maua ?

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 60:1

Tuu ki aluga, ke ke gigila, talie kua soko mai lou malama, ti kua sopo le kololia o le Eteleno kiate koe.

Esekiele 3:23

Na kau tuu ake loa ki aluga, ti na kau ano loa ki le vaivailiua ; ti ko leinei, na sa loa i ai le kololia o le Eteleno, ofaipe le kololia leia na kau tio ki ai i tafa o le vaitafe o Kepale. Ti na kau fakamapee loa o fakapulou oku mata ki le kele.

Mateo 1:20

Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Luka 1:28

Na ulu loa le aselo ki le fale o Malia, o pati : E kau fakaalofa atu kiate koe, a koe leia kua fai ki ai se kalasia ; e iate koe le Aliki.

Luka 2:8

Na i ai, i le potu fenua lena, ni kau tagata tausi manu ala na nonofo i faisaga i le pouli o taupau alatou kau manu.

Luka 24:4

I le sevaia o alatou fakakaukau, ko leinei, na sa loa kia latou ni tagata e toka lua, ala na teu gigila.

Soane 12:41

Na pati loa Esaia ki nea ana, i lana tio ki lona kololia, ti mo lana masau kiate ia.

Gaoi 12:7

Ti ko leinei, na tuu mai loa se aselo o le Aliki, ti na mu loa se malama i le loto fale pilisoni. Ti na fafagu loa e le aselo a Petelo, o papa ki lona fetuu, o pati : Tuu vave ki aluga ! Ti na vivilo loa a tini mei ona lima.

Gaoi 27:23

Talie na fakafeofi mai kiate au i le po leinei se aselo o le Atua, leia e kau fakalogo mo tausi ki ai,

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Epelo 12:21

I le fakaii ai o le nea lena na lotou tio ki ai, na pati loa Moisese : Kua kau matuaki i, mo lulu katoa !

Apokalipisi 18:1

I le oki o le nea lena, na kau tio loa e ifo mei le lagi se tasi ake aselo, leia na maua ia se pule lasi ; ti na fakamalama e ia le malama nei ki lona gigila.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.