Luka 2:51 - Tosi Tapu

⁵¹ Ti na ifo loa a ia mo laua o ano ki Nasaleti, ti na fakalogo a ia kia laua. Kae na taupau e lona tinana a nea fuli ana i lona loto.

Luka 2:51 ပူးပေါင်းရင်းမြစ်များ

Senesi 37:11

Na finenonofo loa ona fetaina kiate ia, kae na taupau loa e lona tamana a nea ana i lona loto.

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Taniela 7:28

Na fakaoki loa i nea anei lana masau. Ko au Taniela, na kau sevaia lasi loa i aku fakakaukau, ti na faikese loa oku mata, ti na kau taupau loa a masau ana i loku loto.

Mateo 12:46

Na lolotoga masau Sesu ki le kakai, ko leinei, na tutuu loa i fafo lona tinana mo ona fetaina, o faiga ke masau kiate ia.

Mateo 3:15

Na tali loa Sesu kiate ia : Tuku ke fai i le lakaga nei, talie e malie ake ke ta fakasoko i ai a nea fuli ala e totonu. Ti na leaise toe taofi loa a ia e Soane.

Maleko 1:9

I le temi a ia, na au loa Sesu mei Nasaleti ki Kalilea, ti na papitema loa a ia e Soane i le Solotane.

Maleko 6:3

Pe se ko le tagata fau fale a ia, le tama o Malia, le taina o Sakopo, mo Sosefo, mo Suta, ti mo Simone ? Ti ko ona tuagaane, pe leaise lotou nonofo i leinei mo tatou ? Ti na leaise lotou tui kiate ia.

Luka 18:37

Na fakasa ake loa kiate ia : Ko Sesu mei Nasaleti leia e fakalaka.

Luka 2:19

Na taupau e Malia a nea fuli ana, o tau fakamanatu i lona loto.

Luka 2:39

I le oki o lala fakasoko a nea fuli ala na fakatotonu e le lao a le Aliki, na toe liliu loa Sosefo mo Malia ki Kalilea, ki Nasaleti, lola kolo.

Luka 4:16

Na ano loa Sesu ki Nasaleti, leia na lasi ake ai a ia ; ti na ulu loa a ia ki le sinakoka i le aso o le sapato, ofaipe lana fai masani. Na tuu loa a ia ki aluga ke lautosi,

Luka 4:23

Na pati loa Sesu kia latou : E lagi kotou fai mai loa kiate au le taagapati leinei : Toketa, fakamauli mua e koe a koe totonu ; ti e kotou pati mai loa kiate au : Fai i leinei, i lou kolo totonu, a nea fuli ala na motou logo na ke fai i Kafanaume.

Efeso 5:21

Kotou fefakataulaloaki ia koutou i le fakaapaapa kia Kilisito.

Uluaki tosi a Petelo 2:21

Ti na kalagai koutou ki ai, talie na mamae foki Kilisito o tupu ko koutou, ke tuku atu kia koutou se faifaitakiaga, o tupu ke kotou muli i ona lakaaga,