Luka 2:41 - Tosi Tapu

⁴¹ Na pale a matua o Sesu i fetuu fuli ki Selusalemi i le aso lasi o le Pasikate.

Luka 2:41 ပူးပေါင်းရင်းမြစ်များ

Ekesote 12:11

E kotou kai loa le manu, kae kua kotou toi loa okoutou kilipipi ki okoutou vakavaka, ti kua kotou tui loa okoutou taka ki okoutou vae, ti kua kotou too loa okoutou tokotoko i okoutou lima ; ti e kotou kai fakatavili loa le manu. Ko le Pasikate a ia o le Eteleno.

Ekesote 12:14

E kotou taupau loa le fakamanatu o le aso lena, ti e kotou tausi loa a ia ko se aso lasi ki le Eteleno ; e kotou tausi loa a ia ofaipe se lao ke tuku sosolo i okoutou sakoga.

Ekesote 34:23

E tua tolu i le fetuu, e fakatasi loa a tagata fuli i mua o le Aliki, le Eteleno, ko le Atua o Iselaele.

Levitiko 23:5

I le uluaki masina, i le aso kau agafulu tupu fa o le masina, i le afiafi, ko le Pasikate loa a ia o le Eteleno.

Numelo 28:16

Ko le aso kau agafulu tupu fa o le uluaki masina, ko le Pasikate loa a ia o le Eteleno.

Luka 2:42

I le fetuu kau agafulu tupu lua o Sesu, na lotou pale loa ki ai, o mulimuli ki le fai masani o le aso lasi.

Soane 11:55

Kua ofi le Pasikate o le kau Sutea. Ti na pale loa se kakai toka api o le fenua ki Selusalemi i mua o le Pasikate, ke fakamea latou.

Soane 13:1

I mua o le Pasikate, i le iloa e Sesu kua soko lona ola ke mavae i le malama nei ki le Tamana, na alofa loa a ia kia latou ala na nonofo i le malama nei, ti na fakakatoa loa e ia lona alofa kia latou o kaku ki le gatoaga.

Soane 2:13

Ti kua ofi le Pasikate o le kau Sutea, na pale loa Sesu ki Selusalemi.

Soane 6:4

Ti kua ofi foki le Pasikate, le aso lasi o le kau Sutea.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 16:16

E tua tolu loa i le fetuu, e ano loa a tagata fuli o lou kakai ki mua o le Eteleno, lou Atua, i le ganea leia e filifili loa e ia : i le aso o pane sala fakatupu, i le aso o le Penikosite, mo le aso o tapenakulo. Ke aua na ano loa ki mua o le Eteleno mo lima ata.

Uluaki tosi a Samuele 1:21

Ti na pale loa lona avaga ko Elekana mo lona fale katoa, o momoli ki le Eteleno le sakilifisio o le fetuu, ti mo fakasoko lana fakapapau.

Uluaki tosi a Samuele 1:3

I fetuu fuli, na pale Elekana mei lona kolo ki Silo, o atolasio ki le Eteleno o kau tau ti mo momoli kiate ia ni sakilifisio. I ai na nonofo ai a vosa e toka lua o Eli, ko Ofeni mo Finesi, ko tagata faisakilifisio a le Eteleno.