Luka 2:4 - Tosi Tapu

⁴ Na pale foki Sosefo mei Kalilea, mei le kolo ko Nasaleti, o ano ki Sutea, ki le kolo o Tavite, na igoa ko Peteleemi, talie na kau a ia ki le fale mo le famili o Tavite,

Luka 2:4 ပူးပေါင်းရင်းမြစ်များ

Senesi 35:19

Na mate loa Lasele, ti na tanu loa a ia i le ala o Efalata, leia ko Peteleemi.

Senesi 48:7

I laku toe liliu mei Patane, na mate loa Lasele i le ala i oku tafa, i le fenua o Kanaane, ofi ki Efalata ; i le ganea lena na kau tanu ai loa Lasele, i le ala o Efalata, leia ko Peteleemi.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Mateo 1:20

Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Mateo 2:23

ti na ano loa a ia o nofo i se kolo na igoa ko Nasaleti, talie ke fakasoko ai le nea leia na fakasa fakatomua e le kau polofeta : E fakaigoa loa a ia ko le Nasaleti.

Luka 2:3

Na ano fuli o tasi tosi lona igoa i lona kolo.

Luka 2:5

o tupu ke tosi a ia mo Malia, lana feauaki, leia kua tinae.

Luka 4:16

Na ano loa Sesu ki Nasaleti, leia na lasi ake ai a ia ; ti na ulu loa a ia ki le sinakoka i le aso o le sapato, ofaipe lana fai masani. Na tuu loa a ia ki aluga ke lautosi,

Soane 1:46

Na pati loa Natanaele kia Filipo : Pe feala ke au se nea malie mei Nasaleti ? Na tali loa Filipo kiate ia : Au, o tio.

Soane 7:42

Pe leaise tuu koia i le tosi e tonu ke au le Kilisito mei le sakoga o Tavite, ti mo le kolo o Peteleemi, leia na nofo ai Tavite ?

Lute 1:19

Na la fanoga fakatasi loa o kaku ki Peteleemi. I lala ulu ki Peteleemi, na gatuu loa le kolo katoa, o tupu ko laua, ti na pati loa a fafine : Pe ko Naomi koia leinei ?

Lute 2:4

Ti ko leinei, na au loa Poase mei Peteleemi, ti na pati loa a ia ki le kau gaoi : Ke nofo le Eteleno mo koutou ! Na lotou tali loa kiate ia : Ke tapuaki le Eteleno kiate koe !

Lute 4:11

Na pati loa le kakai katoa leia na nonofo i le matapa mo le kau fakamatuatua : E motou fakamaoki ki ai ! Ke fakaliliu e le Eteleno le fafine leia kua ulu ki lou fale o tatau mo Lasele mo Lea, ala na tupu mei ai le kakai o Iselaele ! Ke fakasa lou makeke i Efalata, ti ke logologona lou igoa i Peteleemi !

Lute 4:17

Na tuku loa kiate ia e fafine o lona fale se igoa, o pati : Kua tupu loa se vosa kia Naomi ! Ti na lotou fakaigoa loa a ia ko Opeto. Ko le tamana a ia o Isaia, tamana o Tavite.

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.

Uluaki tosi a Samuele 16:4

Na fai loa e Samuele le nea leia na pati ki ai le Eteleno, ti na ano loa a ia ki Peteleemi. Na feoso ake loa le kau matua o le kolo, kua lulu, ki ona mua, o pati : Pe fakasa e lau kaku mai se nea malie ?

Uluaki tosi a Samuele 17:12

Ti ko Tavite ko se vosa a ia o le tagata Efalata lena o Peteleemi o Suta, na igoa ko Isaia, leia na nofo mo vosa e toka valu, ti na matua loa i le temi o Saulo.

Uluaki tosi a Samuele 17:58

Na pati loa Saulo kiate ia : Ko le vosa a koe o ai, ei tupulaga ? Ti na tali loa Tavite : Ko le vosa au o lau tagata fakasausau ko Isaia, tagata Peteleemi.

Uluaki tosi a Samuele 20:6

Kapau e fakatokagai loa e lou tamana laku puli, e ke pati loa : Na kole mai e Tavite kiate au ke tuku ake a ia ke ano o fai lana kauga i Peteleemi, lona kolo, talie e fai se sakilifisio o le fetuu ki le famili katoa.