Luka 2:37 - Tosi Tapu

³⁷ Na nofo lokonui a ia o kaku ki lona fetuu kau valu tupu fa, ti na leaise mavae a ia i le fale tapu, ti na tausi a ia ki le Atua i le po mo le ao i le sesunio mo le faikole.

Luka 2:37 ပူးပေါင်းရင်းမြစ်များ

Pesalemo 22:2

Loku Atua ! loku Atua ! kolea kua ke tiaki ai au ? Kolea e ke fakamamao ai kae e leaise ke fakamauli au, ti e leaise ke logo ai ki aku tagi ?

Pesalemo 23:6

Io, ko le fiafia mo le kalasia e mulimuli loa iate ia I aso fuli o loku mauli, Ti e kau nofo loa i le fale o le Eteleno, O kaku ki le fakaoki o oku aso.

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Pesalemo 84:10

Ei Atua, ko koe ko lomatou paletau, Tio mai ki mata o lau filifiliia !

Pesalemo 84:4

Io, e maua foki e le miti se fale, Ti mo le pekapeka se ofaga leia e tuku ai e ia ona uviki… io, ou aletale, Eteleno o kau tau ! Loku sau mo loku Atua !

Pesalemo 92:13

E tutupu sako le kau agatonu ofaipe le palemie, E lotou lalasi ofaipe le sete o Lipane.

Ekesote 38:8

Na fai loa e ia le tanoa sila mo lona tuuaga sila, o fakaaoga ki ai a tiloata o fafine ala na fakatasi i le matapa o le falela tapu.

Luka 5:33

Na lotou pati loa kiate ia : E sesunio sosoko mo faikole a tisipulo a Soane, ofaipe tisipulo a le kau faliseo, kae kai mo inu fai au tisipulo.

Gaoi 13:3

Koia, i le oki o lalatou sesunio mo lalatou faikole, na lotou teki loa olatou lima kia laua, ti na lotou tuku loa laua ke ano.

Gaoi 14:23

Na la fakanofo loa kia latou ni kau fakamatuatua i Ekelesia taki tasi, ti i le oki o le faikole mo le sesunio, na la tuku loa latou ki le Aliki leia kua lotou tui ki ai.

Gaoi 26:7

ti e fakaamu fuli ki ai omatou faasiga e kau agafulu tupu lua, ala e tausi sosoko ki le Atua i le po mo le ao. Ko le amanaki malie lena e tupu ai, ei Aliki sau, loku fakalakasala e le kau Sutea !

Uluaki tosi kia Timoteo 5:5

Ko le fafine leia kua lokonui maoki, e leaise tausi a ia e se tasi, ti kua tuku e ia lana fanaki ki le Atua, ti e faikole tuumau a ia o kole lona tokoi i le po mo le ao.

Apokalipisi 3:12

Ko leia e malo loa, e kau fakatuu loa a ia ko se fa pou lasi i le fale tapu o loku Atua, ti e leaise toe mavae loa a ia mei ai ; e kau tosi loa iate ia le igoa o loku Atua, ti mo le igoa o le kolo o loku Atua, o le Selusalemi foou leia e ifo mei le lagi mei tafa o loku Atua, ti mo loku igoa foou.

Apokalipisi 7:15

Koia leia kua lotou tutuu ai i mua o le ekeekeaga fakasau o le Atua, o tausi kiate ia i le ao mo le po i lona fale tapu. Ko leia e ekeeke i le ekeekeaga fakasau e nofo tuumau loa mo latou, o puipui latou.

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.