Luka 2:10 - Tosi Tapu

¹⁰ Kae na pati loa le aselo kia latou : Aua na kotou i ; talie e kau fakasa kia koutou se logo malie, leia e liliu loa ki le kakai katoa ko le tupuaga o se fiafia lasi :

Luka 2:10 ပူးပေါင်းရင်းမြစ်များ

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 41:27

Ko au leia na uluaki pati ki Sione : Ko nei latou, ko nei latou ! Ko au leia na uluaki pati ki Selusalemi : E kau kakau se tagata avelogo o ni logo malilie !

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 14:27

Kae na pati loa Sesu kia latou i le temi fai lena : Kotou fimalie, ko au, aua na kotou i !

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Mateo 28:5

Kae na masau loa le aselo, o pati ki fafine : Kia koulua, aua na kolua i ; talie e kau iloa e kolua afa Sesu leia na tutuki i le koluse.

Maleko 1:15

Na pati a ia : Kua soko le temi, ti kua ofi mai le puleaga o le Atua. Kotou fakasemala, ti kotou tui ki le logo malie.

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Luka 1:13

Kae na pati loa le aselo kiate ia : Aua na ke i, Sakalia, talie kua tali lau kole. E fanaui loa e lou avaga ko Elisapeta se vosa kiate koe, ti e ke soli loa kiate ia le igoa ko Soane.

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Luka 1:30

Kae na pati loa le aselo kiate ia : Aua na ke i, Malia, talie kua ke maua se kalasia i mua o le Atua.

Luka 2:11

I le aso nei, i le kolo o Tavite, kua tupu kia koutou se Fakamauli, leia ko Kilisito, ko le Aliki.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Luka 8:1

Ti na sili a ia, na ano loa Sesu ki kolo lalasi mo kolo liliki, o akonaki le folafola ti mo fakasa le logo malie o le Puleaga o le Atua.

Gaoi 13:32

Ti ko maua, e ma fakasa atu kia koutou le logo malie leinei : ko le fakapapau leia na fai e le Atua ki otatou tamana,

Loma 10:15

Ti e feaki loa ke maua ni tagata fai akonaki, mo kapau e leaise kakau latou ? Ofaipe lona tuu i le Tosi : E lotou fulumalilie ai Avae o latou ala e fakasa ia le tokamalie Olatou ala e fakasa ia ni logo malilie.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.