Luka 19:9 - Tosi Tapu

⁹ Na pati loa Sesu kiate ia : I le aso nei kua ulu le fakamauli ki le fale leinei, talie ko ia foki leinei ko se vosa a ia o Apalaamo.

Luka 19:9 ပူးပေါင်းရင်းမြစ်များ

Luka 13:16

Ti ko le fafine leinei, leia ko se taine o Apalaamo, leia na sai e Satana talu mei fetuu e kau agafulu tupu valu, pe leaise tonu ke saofaki a ia mei le tini lena i le aso o le sapato ?

Luka 13:30

Ti ko leinei, e i ai loa ni mulimuli e liliu loa ko ni muamua, ti mo ni muamua e liliu loa ko ni mulimuli.

Luka 16:24

Ti na tauvasa loa a ia : Tamana Apalaamo, alofa mai kiate au, ti kakau mai Lasalo ke fakasusu e ia le tumutumu o lona maikao ki le vai, ke fakamokomoko ai loku alelo, talie e kau mamae lasi ai i le afi nei.

Luka 16:30

Ti na pati loa le tagata mou koloa : Leai, tamana Apalaamo, kae kapau e ano loa se tasi i le kau mate kia latou, e lotou fakasemala loa.

Luka 2:30

Talie kua tio oku mata ki lau fakamauli,

Luka 3:8

Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.

Kalate 3:7

ke kotou iloa foki ko latou ala e maua ia le tui ko vosa latou o Apalaamo.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.