Luka 19:5 - Tosi Tapu

⁵ I le kaku mai a Sesu ki le ganea lena, na tagaki loa ona mata ki aluga, o pati kiate ia : Sakeo, ifo fakatavili ki lalo talie e tonu ke kau nofo i le aso leinei i lou kaiga.

Luka 19:5 ပူးပေါင်းရင်းမြစ်များ

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Esekiele 16:6

Na kau fakalaka loa i ou tafa, ti na kau tio loa kiate koe e ke maanu i lou toto, ti na kau pati atu loa kiate koe : Ke ke mauli i lou toto ! Ti na kau toe pati atu kiate koe : Ke ke mauli i lou toto !

Luka 19:10

Talie kua au le Vosa o le tagata ke afa mo fakamauli le nea leia kua puli.

Luka 19:2

Ti ko leinei, ko se tagata mou koloa, na igoa ko Sakeo, pule o le kau popelikano, na afa ke tio pe ko ai Sesu ;

Luka 19:4

Na makape loa a ia ki mua, o kava i se sikomole, ke tio kia Sesu, talie na tonu ke fakalaka a ia le ganea lena.

Luka 19:6

Na fakatavili loa Sakeo o ifo, mo tali a ia i le fiafia.

Soane 1:48

Na tali loa Natanaele kiate ia : E ke iloa au meifea ? Na tali loa Sesu kiate ia : I mua o lou kalagai e Filipo, kae koi ke nofo i lalo o le fiki, na kau tio kiate koe.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Epelo 13:2

Aua na kotou galoi le fakaafe o kaiga matapule ; talie i le fai o le nea lena, na fakaafe ai e ni iki ni aselo kae e leaise lotou iloa a ia.

Apokalipisi 3:20

Ko leinei, e kau tuu i le matapa, ti e kau fitifiti. Kapau e logo se tasi ki loku leo, mo fakamavaa le matapa, e kau ulu loa ki lona fale, e kau kai afiafi loa mo ia, ti ko ia mo au.