Luka 19:26 - Tosi Tapu

²⁶ E kau pati atu kia koutou, e soli loa ki leia e maua, kae ki leia e nofo noa e toe too loa mo le nea foki leia e maua e ia.

Luka 19:26 ပူးပေါင်းရင်းမြစ်များ

Lua tosi a Samuele 7:15

kae e leaise toe mavae loa loku alofa meiate ia, ofaipe laku too a ia meia Saulo, leia na tiaki i ou mua.

Pesalemo 109:8

Ke teiki fua ona aso, Ke too e se tasi lona tuulaga !

Mateo 13:12

Talie e tuku loa ki leia e maua ia, ti e nofo loa a ia i le mou, kae ki leia e leaise maua ia e toe too loa meiate le nea leia e maua e ia.

Mateo 21:43

Koia, e kau pati atu kia koutou, e too loa le puleaga o le Atua meia koutou, o tuku ki se puleaga leia e fakatupu ia loa ni fua.

Maleko 4:25

Talie e soli loa ki leia e maua ia ; kae ki leia e nofo noa e toe too loa mo le nea foki leia e maua e ia.

Luka 16:3

Na pati loa le tagata taupau koloa i lona loto : Kolea e kau fai loa, talie kua too e loku pule loku tulaga ? Gaoi ki le kele ? E leaise kau mafai a ia. Kaiisi ? E kau luma.

Luka 19:25

Na lotou pati loa kiate ia : Aliki, e nofo a ia mo fa mine e kau agafulu.

Luka 8:18

Kotou tokaga ki lakoutou fakalogo ; talie e soli loa ki leia e maua, kae ki leia e nofo noa e toe too loa mo le nea foki leia e pati a ia e maua e ia.

Gaoi 1:20

Talie e tuu i le tosi o Pesalemo : Ke lavaki lona nofoaga, Ke aua na nofoi a ia e se tasi ! Ti e : Ke too e se tasi lona tuulaga !

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.

Apokalipisi 2:3

e ke maua le kataki fualoa, ti na ke mamae o tupu ko loku suafa, ti na leaise ke loto gaegae.

Apokalipisi 3:11

E kau au vave. Taofi le nea leia e ke maua, o tupu ke aua na too lou pala e se tasi.

Uluaki tosi a Samuele 15:28

Na pati loa Samuele kiate ia : E saei e le Eteleno i le aso nei i lou ulu le pule fakasau o Iselaele, ti e soli e ia a ia ki se tasi ake leia e malie ake iate koe.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.