Luka 19:17 - Tosi Tapu

¹⁷ Na pati loa le sau kiate ia : Malie, tagata fakasausau agamalie ; talie na ke agatonu i se ganea ikiiki, tali e koe le pule ki ni kolo e kau agafulu.

Luka 19:17 ပူးပေါင်းရင်းမြစ်များ

Senesi 39:4

Na malie ai Sosefo ki mata o lona pule, leia na fakagaoi ia loa a ia kiate ia, ti na fakanofo ia loa a ia ke pule ki lona fale, ti na tuku ia loa ki ona lima ana nea fuli.

Taagapati 27:18

Ko leia e tokaga ki lona fiki e kai loa ki lona fua, Ti ko leia e tausi ki lona pule e fakamauiga loa.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Luka 16:10

Ko leia e agatonu i nea liliki e toe agatonu foki a ia i nea lalasi, ti ko leia e lee agatonu i nea liliki e toe lee agatonu foki a ia i nea lalasi.

Luka 19:16

Na au loa le uluaki, o pati : Aliki, kua toe maua e lau fa mine ni iki a fa mine e kau agafulu.

Luka 19:18

Na au loa le lua, o pati : Aliki, kua maua e lau fa mine ni iki fa mine e lima.

Luka 22:30

E kotou kai loa mo inu loa i loku laupapa i loku puleaga, ti e kotou ekeeke loa i ni ekeekeaga fakasau, o fakamaaui a faasiga e kau agafulu tupu lua o Iselaele.

Loma 2:29

Kae ko le Sutea, ko ia leia e nofo i le loto, ti ko le silikosisio ko leia o le loto, i le Laumalie, kae e leai i le matai tosi. E leaise au le fakavikiviki a le Sutea lena mei tagata kae mei le Atua.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.