Luka 18:43 - Tosi Tapu

⁴³ I le temi fai lena, na tio loa a ia, ti na muli loa a ia ia Sesu, o fakakololia ki le Atua. I le tio a le kakai katoa ki le nea lena, na lotou fakavikiviki loa ki le Atua.

Luka 18:43 ပူးပေါင်းရင်းမြစ်များ

Pesalemo 107:15

Ke lotou fakafetai ki le Eteleno i lona agamalie Ti mo ana nea malilie ki vosa o le tagata !

Pesalemo 107:8

Ke lotou fakafetai ki le Eteleno i lona agamalie, Ti mo ana nea malilie ki vosa o le tagata !

Pesalemo 146:8

E fakamavaa e le Eteleno a mata o le kau kivi. E fakatuu e le Eteleno latou ala e mapelu ki lalo. E alofa le Eteleno ki le kau maokioki.

Pesalemo 30:2

E kau vikiviki kiate koe, Eteleno, Talie na ke lagai au ki aluga, Na leaise ke loto ke fiafia oku fili iate au.

Esaia 35:5

I le aso lena e mavaa loa a mata o kivi, E mavaa loa a taliga o kau tulituli.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Mateo 21:14

Na fakafeofi ake loa kiate ia ni kivi mo ni kito i le fale tapu. Ti na fakamauli loa e ia latou.

Mateo 9:8

I le tio a le kakai ki le nea lena, na lotou ofolele ai, ti na lotou fakakololia loa ki le Atua, leia kua soli ia ki tagata se pule fenaaki.

Luka 13:17

I lana masau felaaki, na apele ona fili fuli i le luma, kae na fiafia le kakai ki nea fulumalilie fuli ala na fai e ia.

Luka 19:37

Ti kua ofi fua a ia ki Selusalemi, i le fakamaifo leia e au mei le mauga o Oliveto, na kamata fakafiafia loa mo fakavikiviki le kau tisipulo fuli ki le Atua o leo lasi, o tupu ko milakulo fuli ala kua lotou tio ki ai.

Luka 4:39

Na punou loa Sesu ki le fafine, o feau le fiva, ti na mavae loa le fiva iate ia. I le temi fai lena, na tuu loa le fafine ki aluga, o fakasausau kia latou.

Luka 5:26

Na lotou punamauli fuli, ti na lotou fakakololia ki le Atua, ti na lotou apele i le i, o pati : Kua tou tio i le aso nei ki ni nea foou.

Luka 9:43

Ti na lotou punamauli loa i le mafimafi o le Atua. Kae i lalatou punamauli ki nea fuli na fai e Sesu, na pati loa a ia ki ana tisipulo :

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Gaoi 4:21

Na lotou toe fai loa kia laua ni iki fakaii foou, ti na lotou tuku loa laua ke ano, talie na leaise lotou iloa se nea ke fakatua ai laua, o tupu ko le kakai ; talie kua fakakololia le kakai katoa ki le Atua o tupu ko le nea leia kua soko.

Kalate 1:24

Ti na lotou fakakololia loa ki le Atua o tupu ko au.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,