Luka 18:22 - Tosi Tapu

²² I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 18:22 ပူးပေါင်းရင်းမြစ်များ

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Mateo 19:21

Na pati loa Sesu kiate ia : Kapau e ke loto ke ke malie tukupau, ano o fakatau le nea leia e ke maua, soli a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 16:9

Ti ko au, e kau pati atu loa kia koutou : Kotou fai ni okoutou kaukau nea ki koloa fakamalama, o tupu ke lotou tali koutou i nofoaga lee gato, mo ka puli loa a koloa ana.

Luka 18:21

Na tali loa le tagata : Kua kau fai a fakatotonu fuli ana talu mei loku ikiiki.

Luka 18:23

I lana logo ki le masau lena, na mamae lasi ai a ia ; talie na lasi ai ona koloa.

Luka 9:23

Ti na pati loa a ia ki le kau tisipulo fuli : Kapau e loto se tasi ke muli mai iate au, ke fakafiti a ia kiate ia totonu, ke amo e ia lona koluse i le aso taki tasi, ti ke muli mai a ia iate au.

Filipe 3:13

Fetaina, e leaise kau manatu kua kau kukumi a ia ; kae e kau fai se nea e tasi : e kau galoi a nea i muli, kae e kau mafao o tio ki nea i mua,

Lua tosi a Petelo 3:8

Kae e i ai se nea, ei alofaaga, e leaise tonu ke kotou galoi : i mua o le Aliki e tatau se aso e tasi mo ni fetuu e afe, ti e tatau fetuu e afe mo se aso e tasi.