Luka 18:12 - Tosi Tapu

¹² E kau sesunio tua lua i le vasaa, ti e kau soli le vaega kau agafulu o oku koloa fuli.

Luka 18:12 ပူးပေါင်းရင်းမြစ်များ

Lua tosi o Sau 10:16

o pati : Au mo au, ti e ke tio loa ki loku alofa ki le Eteleno. Na ave loa e Seu a Sonatape i lana saliote.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Numelo 18:24

E kau soli ofaipe se tofiga ki le kau Levi a vaega kau agafulu ala e ave loa e fanau a Iselaele ki le Eteleno i le siki. Koia leia e kau pati ai kia latou : E leaise lotou maua loa se tofiga i loto malie o fanau a Iselaele.

Numelo 23:4

Na au loa le Atua ki mua o Palaame, ti na pati loa Palaame kiate ia : Kua kau fakatuu ni aletale e fitu, ti kua kau momoli se pipi tagata mo se ovi tagata i aluga o aletale taki tasi.

Mateo 5:20

Talie e kau pati atu kia koutou, kapau e leaise fakalaka ake lakoutou faitotonu i le faitotonu a le kau sekelipa mo le kau faliseo, e leaise kotou ulu loa ki le Puleaga o le atu lagi.

Mateo 6:1

Kotou tokaga ki le fai o lokoutou agatonu, ke aua na kotou fai a ia i mua o tagata, o tupu ke tioi koutou : talie kapau ko ia, ti e leaise kotou maua loa se fakapale i tafa o lokoutou Tamana leia e nofo i le lagi.

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Mateo 9:14

Na au loa tisipulo a Soane kia Sesu, o pati : Kolea e motou sesunio ai, matou ti mo le kau faliseo, kae e leaise sesunio au tisipulo ?

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Luka 17:10

Ko koutou foki, ka kua kotou fai loa a nea fuli ala na fakatotonu atu kia koutou, ti kotou pati : Ko ni tagata fakasausau lee aoga matou, kua motou fai le nea leia na tonu ke motou fai.

Loma 3:27

Kofea loa le tupuaga o le fakakololia ? Kua oki a ia i le too. E le lao fea ? E le lao o gaoi ? Leai, kae kua too a ia e le lao o le tui.

Uluaki tosi ki le kau Kolinto 1:29

o tupu ke aua na fakakololia se tagata kiate ia totonu i mua o le Atua.

Kalate 1:14

Ti mo laku fakalaka mamao i le tausi ki le lotu fakasutea i se toka api o loku tautupu mo loku kakai, talie na kau tausi malie ake ia latou ki talatisio o oku tamana.

Efeso 2:9

Ti e leaise tupu ko gaoi, talie ke aua na fakakololia ai se tasi.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Uluaki tosi a Samuele 15:13

Na ano loa Samuele kia Saulo, ti na pati loa Saulo kiate ia : Ke tapuaki le Eteleno kiate koe ! Kua kau fai le fakatotonu a le Eteleno.