Luka 18:11 - Tosi Tapu

¹¹ Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Luka 18:11 ပူးပေါင်းရင်းမြစ်များ

Pesalemo 134:1

Katiko o le fanoga tapu. Ko leinei, kotou fakafetai ki le Eteleno, koutou fuli ko tagata fakasausau a le Eteleno, Ala e tutuu i le fale o le Eteleno i le lolotoga o pouli !

Pesalemo 135:2

Ala e tutuu i le fale o le Eteleno, I lotoa o le fale o lotatou Atua !

Taagapati 20:6

E toka api latou ala e fakasa ia lolatou agamalie ; Kae ko se tagata agatonu, ko ai e maua ia loa a ia ?

Taagapati 30:12

E i ai se tautagata leia e pati e mea, kae e leikiaise fufulu e ia lona kelekele.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Esaia 65:5

Leia e pati : Ano kese, Aua na ke fakafeofi mai kiate au, Talie e kau maokioki !… Ko nea ana ko se afu i oku pogoiisu, Ko se afi leia e leaise toe mate.

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Selemia 2:35

Kae logo ai le nea lena, e ke pati : Io, e kau mea ! Kua maliu maoki lona sausau iate au ! Ko leinei, ka kau fakamaau loa mo koe, Talie e ke pati : Na leaise kau agasala fua.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mateo 10:3

mo Filipo, ti mo Patolomeo ; mo Toma, ti mo Mateo, ko le popelikano ; mo Sakopo, vosa o Alefeo, ti mo Tateo ;

Mateo 5:20

Talie e kau pati atu kia koutou, kapau e leaise fakalaka ake lakoutou faitotonu i le faitotonu a le kau sekelipa mo le kau faliseo, e leaise kotou ulu loa ki le Puleaga o le atu lagi.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Maleko 11:25

Ti ka kotou tuu i aluga o faikole, kae kotou nofo mo se nea ki se tasi, kotou fakamolemole, o tupu ke fakamolemole foki akoutou agasala e lokoutou Tamana leia e nofo i le lagi.

Luka 20:47

e lotou too fakamakeke a nea fuli o fafine lokonui, ti e lotou fai ni kole loloa ke lotou fakamata malie ai ki tafa. E mamafa ake loa lolatou fakamaaui.

Luka 22:41

Ti na fakamamao loa a ia ia latou, i se mamao o se fa fatu e ti, ti na tutuli loa a ia, o faikole,

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Filipe 3:6

ti ki le tausi lotu, na kau fakaveliveli le Ekelesia ; ti ki le faitotonu o le lao, na kau lee mele.

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,