Luka 17:30 - Tosi Tapu

³⁰ E toe tatau loa i le aso leia e sa mai ai loa le Vosa o le tagata.

Luka 17:30 ပူးပေါင်းရင်းမြစ်များ

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 24:3

Na tonatona loa a ia i le mauga o Oliveto. Ti na au loa le kau tisipulo tefua, o fai kiate ia le vesili leinei : Fakasa mai kia matou, pe ko le temi fea leia e soko ai loa le nea lena, ti kolea le fakamailoga o lau toe liliu mai ti mo le fakaoki o le malama nei ?

Mateo 24:37

Ko le nea leia na soko i le temi o Noe e toe soko loa i le toe liliu mai o le Vosa o le tagata.

Mateo 24:39

ti na leaise lotou amanaki fua ki se nea, o kaku ki le to o le lomaki, o ave ai latou fuli : E toe fenaaki loa i le toe liliu mai o le Vosa o le tagata.

Mateo 26:64

Na tali loa Sesu kiate ia : Kua ke pati ki ai. Ti e tasi foki, e kau fakasa kia koutou, e kotou tio loa ki le Vosa o le tagata e nofo i le fetuu atamai o le mafimafi o le Atua, ti e au i ao o le lagi.

Maleko 13:26

Ti fokifa e tio loa ki le Vosa o le tagata e ifo mai i le ao mo le makeke lasi ti mo le kololia.

Luka 17:24

Talie, ofaipe le uila e tapa mei le tasi potu lagi o fakamalama le tasi potu lagi, e toe fenaaki loa le Vosa o le tagata i lona aso.

Luka 17:29

kae i le aso leia na mavae ai a Lote i Sotoma, na to loa se ua afi mo se ua sulifa mei le lagi o tamate fuli latou.

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Luka 21:27

Ti fokifa e lotou tio loa ki le Vosa o le tagata e ifo mai i se ao, mo le makeke, ti mo se kololia lasi.

Uluaki tosi ki le kau Kolinto 1:7

Koia e leaise koi puli fua ia koutou se nea alofa, koutou ala e talitali ki le fakasa o lotatou Aliki ko Sesu-Kilisito.

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Kolose 3:4

Ka sa mai loa Kilisito, ko lokoutou mauli, e kotou sa loa mo ia i le kololia.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !