Luka 17:26 - Tosi Tapu

²⁶ Ko nea ala na soko i le temi o Noe, e toe soko loa i aso o le Vosa o le tagata.

Luka 17:26 ပူးပေါင်းရင်းမြစ်များ

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 6:7

Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Senesi 6:8

Kae na tio loa le Eteleno kia Noe ti na alofa loa a ia kiate ia.

Esaia 22:13

Kae ko leinei kua kotou katakata ti kua kotou fiafia ! Kua tamate ni pipi tagata mo ni ovi ; Kua kai ni inati ti kua inu le vino : Tou kakai ti tou iinu, talie e tou mamate loa apogipogi !

Luka 17:22

Ti na pati loa Sesu ki le kau tisipulo : E soko mai loa ni aso ala e kotou oli ai ke kotou tio ki se aso e tasi o aso o le Vosa o le tagata, kae e leaise kotou tio loa ki ai. E pati atu loa kia koutou :

Luka 17:24

Talie, ofaipe le uila e tapa mei le tasi potu lagi o fakamalama le tasi potu lagi, e toe fenaaki loa le Vosa o le tagata i lona aso.

Luka 17:27

Na kai mo inu a tagata, mo avaga ti mo fakaavaga alatou fanau, o kaku ki le aso leia na ulu ai a Noe ki le aleka ; ti na to loa le lomaki, o lotou mamate fuli ai.

Luka 17:7

Ko ai leia ia koutou, e maua ia sana tagata fakasausau leia na gaoi kele pe na fagai manu, e pati loa kiate ia mo ka toe liliu mai a ia mei faisaga : Au fakatavili, ti ke eke ki le laupapa, o kai ?

Luka 18:8

E kau fakasa atu kia koutou, e faitotonu vave loa a ia kia latou. Kae, ka au loa le Vosa o le tagata, pe maua loa e ia le tui i le malama nei ?

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;

Lua tosi a Petelo 3:6

ti na toe maumaui foki le malama lena ki a nea ana, i le vai o le lomaki ;