Luka 17:10 - Tosi Tapu

¹⁰ Ko koutou foki, ka kua kotou fai loa a nea fuli ala na fakatotonu atu kia koutou, ti kotou pati : Ko ni tagata fakasausau lee aoga matou, kua motou fai le nea leia na tonu ke motou fai.

Luka 17:10 ပူးပေါင်းရင်းမြစ်များ

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Mateo 25:30

Kotou ti le tagata fakasausau lee aoga, ki le fakapouli i fafo, leia e maua ai loa ni tagi mo ni fetati o nifo.

Luka 17:11

Ko Sesu, i lana ano ki Selusalemi, na fakalaka loa i le koiga o Samalia mo Kalilea.

Luka 17:9

Pe maua ke fakafetai a ia ki le tagata fakasausau lena talie na fai e ia le nea leia na fakatotonu kiate ia ?

Loma 11:35

Ko ai na uluaki soli kiate ia, ke toe totogi ake e ia kiate ia ?

Loma 3:12

E leai se toka tasi e fai ia le malie, Eleai se toka tasi fua.

Filemo 1:11

leia na leaise aoga i mua kiate koe, kae i le temi nei kua aoga kiate koe ti mo au.