Luka 16:9 - Tosi Tapu

⁹ Ti ko au, e kau pati atu loa kia koutou : Kotou fai ni okoutou kaukau nea ki koloa fakamalama, o tupu ke lotou tali koutou i nofoaga lee gato, mo ka puli loa a koloa ana.

Luka 16:9 ပူးပေါင်းရင်းမြစ်များ

Pesalemo 73:26

E feala ke gaegae loku tino mo loku loto : Kae ko le utu o loku loto mo loku vaega ko le Atua, o lee gato.

Taagapati 14:24

Ko le koloa ko se pala ki le kau poto ; Kae ko le valea o le kau vale e tuu mau aifai ko le valea.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Ekelesiasi 11:1

Ti lau pane ki le fuga o le vai, talie e ke toe maua loa a ia ki le temi ;

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Mateo 19:21

Na pati loa Sesu kiate ia : Kapau e ke loto ke ke malie tukupau, ano o fakatau le nea leia e ke maua, soli a ia ki le kau mativa, ti e ke maua loa se koloa i le lagi. Ti ke au, o muli mai iate au.

Mateo 6:19

Aua na kotou tanaki ni koloa i le kele leinei, talie ko le ganea lena e maumau ai le ugogo mo le kelemea, ti ko le ganea foki lena e puui ai ti mo kaia ai le tagata kaia ;

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 14:14

Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.

Luka 16:11

Kapau loa e leaise kotou agatonu i koloa fakamalama, ko ai e tuku ia loa kia koutou a koloa maoki ?

Luka 16:13

E leaise mafai e se tagata fakasausau ke tausi ki ni pule e toka lua, talie e vesia loa a ia ki le tasi kae e alofa loa a ia ki le tasi ; pe e pipiki a ia ki le tasi kae e fakamamao a ia mei le tasi. E leaise mafai ke kotou tausi ki le Atua mo Mamone.

Luka 16:4

E kau iloa le nea leia e kau fai loa, o tupu ke mau ai ni iki ke fakatalitali ia au i olatou fale, mo ka kapu loa au i laku gaoi.

Gaoi 10:31

Kolenelio, kua tali lau kole, ti kua manatui e le Atua au nea alofa.

Gaoi 10:4

Ti i lana tio fakamaumau kiate ia mo se i lasi, na tali loa a ia : Aliki, kolea ? Ti na pati loa le aselo kiate ia : Kua kaku au faikole mo ou nea alofa ki mua o le Atua, ti kua manatui e ia latou.

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Suta 1:21

ke kotou nofo mau i le alofa o le Atua, o talitali ki le manavaalofa o lotatou Aliki ko Sesu-Kilisito o uiga mo le mauli lee gato.