Luka 16:8 - Tosi Tapu

⁸ Na vikiviki loa e le pule le tagata taupau koloa lee agatonu lena, i lona poto i le fai o ni puleaki kaka. Talie e poto ake a fanau o le sekulo leinei i le fai koloa mo olatou tautagata i fanau o le malama.

Luka 16:8 ပူးပေါင်းရင်းမြစ်များ

Senesi 3:1

Na poto lasi ake le gata i manu fuli o le vao ala na fakatupu e le Eteleno Atua. Na pati loa a ia ki le fafine : Pe na pati maoki atu le Atua : E leaise kolua kai loa ki laakau fuli o le oloto ?

Lua tosi a Samuele 13:3

Kae na i ai se kaukau nea o Amone leia na igoa ko Sonatape, vosa o Simea, taina o Tavite, ti ko se tagata kaka ai a Sonatape.

Lua tosi o Sau 10:19

I le lakaga nei ke kotou tanaki mai ki oku tafa le kau polofeta fuli a Paale, mo ana tagata fakasausau fuli, ti mo lana kau pelepitelo, ke aua na puli fua se tasi, talie e kau loto ke kau momoli se sakilifisio kia Paale : ko leia loa ka puli e mate loa. Na fai e Seu le kaka lena, o tupu ke tamate ai a tagata fakasausau a Paale.

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Ekesote 1:10

Ko leinei, ke tou tokaga kia latou ; ke tou fai ni puleaki ke aua na lotou lasi ake ia tatou, talie na soko loa se tau, ti lotou kau loa mo otatou fili o tau mai kia tatou, ti lotou mavae loa i le fenua.

Taagapati 12:8

E vikiviki ki le tagata o tupu ko lona atamai, Kae e vesiainai leia e loto veli.

Mateo 12:32

Ko leia e masau veli loa ki le Vosa o le tagata, e fakamolemole loa kiate ia ; kae ko leia e masau veli loa ki le Laumalie Maokioki, e leaise toe fakamolemole loa kiate ia i le sekulo leinei pe ko le sekulo ka au.

Mateo 17:26

Na pati loa Petelo kiate ia : Mei ni matapule. Na tali loa Sesu kiate ia : E sao loa a vosa i le tukusau.

Luka 16:10

Ko leia e agatonu i nea liliki e toe agatonu foki a ia i nea lalasi, ti ko leia e lee agatonu i nea liliki e toe lee agatonu foki a ia i nea lalasi.

Luka 16:4

E kau iloa le nea leia e kau fai loa, o tupu ke mau ai ni iki ke fakatalitali ia au i olatou fale, mo ka kapu loa au i laku gaoi.

Luka 16:7

Ti na toe pati loa a ia ki se tasi : Ti ko koe, e fia lou maua ? Na tali loa a ia : Ko taga fulumeto e kau lelau. Ti na pati loa le tagata taupau koloa kiate ia : Too nei lou pepa, o tosi ki ai : kau valu.

Luka 18:6

Ti na fakakatoa loa e le Aliki : Kotou logo ki le pati a le tui fakamaau lee faitotonu !

Luka 20:34

Na tali loa Sesu kia latou : E too e fanau o le sekulo leinei ni tagata mo ni fafine ;

Luka 20:35

kae ko latou ala ka maua loa e gali ke kau ki le sekulo ka au ti mo le toe tuuake o le kau mate, e leaise toe too ia loa ni avaga.

Soane 12:36

Kotou tui ki le malama koi kotou maua a ia, o tupu ke kotou liliu ko ni fanau o le malama. Na fakasa loa e Sesu a nea ana, ti na ano loa a ia, o mumuni mamao meia latou.

Uluaki tosi ki le kau Kolinto 3:18

Ke aua na kakai e se tasi a ia totonu : Kapau e tui se tasi ia koutou ko se poto a ia i le sekulo leinei, ke liliu a ia ko se vale, o tupu ke liliu a ia ko se poto.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Uluaki tosi ki le kau Tesalonika 5:5

ko ni fanau fuli koutou o le malama ti mo le ao. E leaise tou kau i le pouli pe i le fakapouli.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Uluaki tosi a Soane 3:10

Ko leinei le nea leia e mailoga kesekese ai fanau a le Atua mo fanau a le Tiapolo : Ko leia e leaise mauli i le maokioki e leaise au a ia mei le Atua, tatau mo leia e leaise alofa ki lona taina.