Luka 16:29 - Tosi Tapu

²⁹ Na tali loa Apalaamo : E lotou maua Moisese mo le kau polofeta ; ke lotou fakalogo kia latou.

Luka 16:29 ပူးပေါင်းရင်းမြစ်များ

Esaia 34:16

Kotou afa i le tosi a le Eteleno, ti kotou lau ! E leaise se nea fua e tasi e leaise soko loa i nea fuli ana, E leaise puli loa se manu fua e tasi o latou. Talie na fakatotonu a ia e lona gutu. Ko lona Laumalie leia e tanaki ia loa latou.

Esaia 8:20

Afa ki le Lao mo le fakamaoki ! Kapau e leaise masau felaaki, Ti e leai loa se mafoata ki le kakai.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Luka 16:16

Na tuu le lao mo le kau polofeta o kaku mai kia Soane-Patita ; kae talu loa mei ai mo le fakasa o le logo malie o le puleaga o le Atua, ti e ulu loa ki ai i le fakamakeke.

Luka 24:27

Ti na kamata loa a ia meia Moisese ti mo le kau polofeta fuli, o fakamatala kia laua i le Tositapu katoa a nea o uiga mo ia.

Luka 4:17

ti na avake loa kiate ia le tosi a le polofeta ko Isaia. I lana folasi le tosi, na maua loa e ia le ganea leia e tosi ai :

Gaoi 15:21

Talie kua maua i kolo fuli, talu mei tautupu afea, ni kakai ala e akonaki kia Moisese mo lau ia a ia i sapato fuli i sinakoka.

Kalate 4:21

Kotou fakasa mai kiate au, e koutou ala e loto ke fakalogo ki le lao, pe leaise kotou logo ki le nea leia e fakasa e le lao ?