Luka 16:22 - Tosi Tapu

²² Na mate loa le tagata mativa, ti na ave loa a ia e le kau aselo ki tafa o Apalaamo. Na mate foki mo le tagata mou koloa, ti na tanu loa a ia ki le kele.

Luka 16:22 ပူးပေါင်းရင်းမြစ်များ

Sopo 21:13

E lotou fakaoki olotou aso fuli i le fimalie, Ti e lotou ifo i le tokamalie ki le fenua o le kau mate.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Ekelesiasi 8:10

Ti na kau tio ki le tanu o ni tagata agaveli, o lotou ulu ki lolatou maloloaga ; kae ko latou ala na gaoi i le agatonu na ano o mamao mei le fale tapu, ti na galoi olatou igoa i le kolo. Ko se tasi foki a ia vaiga.

Esaia 14:18

Ko sau fuli o atu puleaga, io, latou fulifuli, Kua malolo i le mauiga, i olatou tanuma.

Esaia 22:16

Pe i ai sau nea i leinei, ti ko ai leia e ke maua ia i leinei, Ke ke kenu ai se tanuma i leinei ? Talie kua kenu e ia sona tanuma i le ganea taualuga, Ti kua ta e ia sona nofoaga i le utu !

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Mateo 8:11

Ti e kau fakasa atu kia koutou, e au loa se toka api mei le sopoaga o le laa mo le viloaga o le laa, ti e lotou eke loa i le laupapa mo Apalaamo, mo Isaake, ti mo Sakopo i le Puleaga o Selo.

Maleko 8:36

Ti kolea lona aoga ki se tagata lana maua le malama nei katoa, kae pulinoa lona laumalie ?

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Luka 16:21

O oli ke kai e ia a momo ala na maluluku mei le laupapa o le tagata mou koloa ; ti na au foki a kuli o epo ona papala.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 13:23

Na fafanaki ki le fatafata o Sesu se tasi o ana tisipulo, leia na alofa ki ai a Sesu.

Soane 21:20

Ti na mafuli loa ki muli Petelo, o tio e au i ola muli le tisipulo leia na alofa ki ai Sesu, leia na punou ki le fatafata o Sesu i le lolotoga o le kai afiafi, o pati : Aliki, ko ai leia e fakatau ia loa a koe ?

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Sakopo 1:11

E fanake le laa mo lona vevela lasi, o fakagini le vao, ti na vilo lona se, ti na puli ai lona fulumalie. E tatau foki mo le tagata mou koloa, e puli loa a ia i loto malie o ana gaoi fuli.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.