Luka 16:13 - Tosi Tapu

¹³ E leaise mafai e se tagata fakasausau ke tausi ki ni pule e toka lua, talie e vesia loa a ia ki le tasi kae e alofa loa a ia ki le tasi ; pe e pipiki a ia ki le tasi kae e fakamamao a ia mei le tasi. E leaise mafai ke kotou tausi ki le Atua mo Mamone.

Luka 16:13 ပူးပေါင်းရင်းမြစ်များ

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Luka 11:23

Ko leia e leaise kau mo au, e agatuu a ia kiate au, ti ko leia e leaise tanaki mo au, e veteki e ia.

Luka 14:26

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Luka 16:12

Ti kapau e kotou lee agatonu i le taupau o koloa o se tasi kese, ko ai e soli ia loa kia koutou okoutou koloa totonu ?

Luka 16:9

Ti ko au, e kau pati atu loa kia koutou : Kotou fai ni okoutou kaukau nea ki koloa fakamalama, o tupu ke lotou tali koutou i nofoaga lee gato, mo ka puli loa a koloa ana.

Luka 9:50

Na tali loa Sesu kiate ia : Aua na kotou taofi a ia ; talie ko leia e leaise agatuu mai kia koutou e kau mo koutou.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.