Luka 15:5 - Tosi Tapu

⁵ Ka maua e ia a ia, e teki e ia a ia ki ona tuauma i le fiafia,

Luka 15:5 ပူးပေါင်းရင်းမြစ်များ

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Esekiele 18:23

E pati le Aliki, le Eteleno : Pe ko loku loto leia ke mate le tagata agasala ? Pe leaise ko loku loto ke tafoki a ia i lona ala ti ke mauli a ia ?

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 15:4

Pe ko ai ia koutou, mo kapau e maua e ia ni ovi e kau lelau, ti e puli se ovi e tasi, e leaise tuku e ia a ovi e kau iva tupu iva i le toafa, kae ano a ia o afa leia kua puli, o kaku ki lana maua a ia ?

Luka 15:6

ti ka toe liliu a ia ki fale, e kalagai e ia ona kaukau nea mo ona vasaa fale, o pati kia latou : Kotou fiafia mo au, talie kua kau maua laku ovi leia na puli.

Luka 19:9

Na pati loa Sesu kiate ia : I le aso nei kua ulu le fakamauli ki le fale leinei, talie ko ia foki leinei ko se vosa a ia o Apalaamo.

Luka 23:43

Na tali loa Sesu kiate ia : E kau pati maoki atu kiate koe, i le aso nei e ke nofo loa mo au i le Palatiso.

Soane 15:11

Kua kau fakasa a nea ana kia koutou, o tupu ke nofo loku fiafia ia koutou, ti ke katoa lokoutou fiafia.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 3:7

leia kua kau liliu ko lona tagata gaoi, o mulimuli ki le nea alofa o le kalasia o le Atua, leia na soli mai kiate au i le gaoi makeke o lona mafimafi.

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.

Lua tosi kia Timoteo 2:26

ti ke lotou toe liliu loa ki lalatou fakakaukau malie, o lotou mavae loa mei masele a le Tiapolo, leia kua tapo ia latou o fakapopula ki lona finegalo.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Uluaki tosi a Petelo 1:5

kia koutou ala kua taupau i le makeke o le Atua ki le tui ki le fakamauli leia kua teuteu ke fakasa i temi fakamuli !