Luka 15:28 - Tosi Tapu

²⁸ Na itaita loa le vosa uluaki, ti na leaise loto loa a ia ke ulu ki fale. Na ulu ake loa lona tamana ki fafo o kole kiate ia ke ulu ki fale.

Luka 15:28 ပူးပေါင်းရင်းမြစ်များ

Esaia 65:5

Leia e pati : Ano kese, Aua na ke fakafeofi mai kiate au, Talie e kau maokioki !… Ko nea ana ko se afu i oku pogoiisu, Ko se afi leia e leaise toe mate.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Selemia 35:16

Io, kua taupau e vosa o Sonatape, vosa o Lekape, a fakatotonu ala na tuku e lolatou tamana kia latou, kae e leaise fakalogo le kakai leinei kiate au !

Sonasi 4:9

Kae na pati loa le Atua kia Sonasi : Pe malie koia lau itaita o tupu ko le lisega ? Na tali loa a ia : E tonu loku itaita o kaku ki le mate.

Mateo 20:11

I lalatou tali a ia, na lotou gugu loa ki le pule o le fale,

Maleko 1:40

Na au loa se tagata kilia kiate ia ; ti na tutuli loa a ia, o kolekole kia Sesu : Kapau e ke loto ki ai, ti e mafai ke ke fakaliliu au o mea.

Luka 13:34

Selusalemi, Selusalemi, leia e tamate ia le kau polofeta mo tuki fatui ia latou ala na kakau mai kiate koe, kua tua fia loku loto ke tanaki au fanau, ofaipe se tanaki e se ufa lona toloaki i lalo o ona kapakau, kae na leaise kotou loto ki ai !

Luka 15:2

Ti na mumusu loa le kau faliseo mo le kau sekelipa, o pati : E fakatalitali e le tagata leinei ni kakai mauli veli, ti e kai a ia mo latou.

Luka 15:27

Ti na pati loa le tagata fakasausau lena kiate ia : Kua toe liliu mai lou taina, ti kua tamate e lou tamana le uviki pipi peti, talie kua toe maua e ia lona vosa e malolo.

Luka 15:29

Kae na tali loa a ia ki lona tamana : Ko leinei, kua lasi ai a fetuu mo laku tausi kiate koe, o leaise kau maumaui fua i se aso au fakatotonu, kae na leaise ke soli mai fua kiate au se uviki koti e tasi ke kau fiafia ai mo oku kaukau nea.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Luka 5:30

Na mumusu loa le kau faliseo mo le kau sekelipa, o pati ki ana tisipulo : Kolea e kotou kai mo inu ai mo le kau popelikano ti mo le kau agasala ?

Luka 7:39

Ko le faliseo leia na fakaafe ia Sesu, i lana tio ki le nea lena, na pati loa i lona loto : Kapau na polofeta maoki le tagata leinei, e iloa loa e ia pe ko ai le fafine leia e fafa kiate ia, mo lona anoaga totonu : ko se fafine agasala.

Gaoi 13:45

Ko le kau Sutea, i lalatou tio ki le kakai, na apele loa i le finenonofo, ti na lotou fakafesagai loa ki nea ala na masau ki ai Paulo, o lotou lauveli mo gologolo kiate ia.

Gaoi 13:50

Kae na fakavelii loa e le kau Sutea a fafine aliki ala na lotu sutea, mo tagata mauiga o le kolo. Ti na lotou lagai loa se fakaveliveli kia Paulo mo Palenapa, ti na lotou kapu loa laua i lolatou fenua.

Gaoi 14:19

Ti na kaku mai loa mei Atiokia mo Ikone ni kau Sutea, ala na fakalotoveli ia loa le kakai ; ti i le oki o lalatou tuki fatui Paulo, na lotou toso loa a ia ki le tua kolo, talie na lotou tuku kua mate a ia.

Gaoi 14:2

Kae ko le kau Sutea lee tui na fakavelii ia loa le kau pagani ke lotou loto veli ki fetaina.

Loma 10:19

Kae e kau pati : Pe na leaise iloa e Iselaele le nea lena ? Na fuafuaki pati Moisese : E kau fakaliliu loa koutou ke finenonofo ki le nea leia e leaise ko se puleaga ; E kau fakaliliu loa koutou ke itaita ki se puleaga sala atamai.

Lua tosi ki le kau Kolinto 5:20

Ti ko leinei, e ma fai a gaoi a tagata fakafofoga o Kilisito, o sakinake e fakakolekole le Atua ia maua ; e ma kolekole atu kia koutou i le igoa o Kilisito : Kotou fakatokatoka mo le Atua !

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.

Uluaki tosi a Samuele 17:28

Na logo loa Eliape, lona taokete, ki masau a Tavite ki tagata ana, ti na itaita ai a ia kia Tavite. Ti na pati loa a ia : Kolea na ke ifo mai ai, ti na ke tuku kiate ai le ga kau manu i le toafa ? E kau iloa lou fia nealasi mo le veli ai o lou loto. Talie ko lou fia tio fai leia ki le tau kua ke ifo mai ai ki leinei.

Uluaki tosi a Samuele 18:8

Na ita lasi ai Saulo, ti na veli ai le nea lena kiate ia. Na pati loa ia : E tuku le tino agafulu afe kia Tavite, kae tuku mai kiate au le tino afe ! Koi toe fua kiate ia le pule fakasau.