Luka 15:24 - Tosi Tapu

²⁴ talie ko loku vosa leinei na mate, ti kua toe mauli a ia ; na puli a ia, ti kua toe maua a ia. Ti na lotou kamata fakafiafia loa.

Luka 15:24 ပူးပေါင်းရင်းမြစ်များ

Senesi 45:28

Ti na pati loa Iselaele : Kua feauga ! Koi mauli loku vosa ko Sosefo ! E kau ano loa, ti e kau tio loa kiate ia i mua o loku mate.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 66:11

O tupu ke fagai koutou ke makokona Ki le sua u o ana fakapelepele, O tupu ke kotou mimiti i le fiafia Le apele katoa o lona kololia.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Esekiele 34:4

Na leaise kotou fakamakeke le ovi gaegae, ti mo faitoo le ovi masaki, ti mo sai le ovi lavea ; na leaise kotou aumai le ovi sese, ti mo afa mai le ovi puli noa ; kae na kotou pulei fakamakeke latou.

Mateo 8:22

Kae na tali loa Sesu kiate ia : Muli mai iate au, ti tuku le kau mate ke tanu ia olatou mate.

Maleko 8:22

Na lotou ano loa ki Petesaita ; ti na aumai loa kia Sesu se kivi, ti na kole loa kia Sesu ke fafa kiate ia.

Luka 10:19

Ke kotou iloa na kau tuku kia koutou le makeke ke takatakafi ai a gata, mo sekolopio, ti mo le makeke katoa o le fili ; ti e leaise mafai loa ke fakavelii koutou e se nea.

Luka 15:23

Ti kotou aumai le uviki pipi peti, ti kotou tamate a ia. Tou kai ti tou fiafia ;

Luka 15:25

Kae na nofo le vosa uluaki i faisaga. I lana toe liliu mai, o fakafeofi mai loa ki le fale, na logo loa a ia ki se musika mo ni mako.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 15:4

Pe ko ai ia koutou, mo kapau e maua e ia ni ovi e kau lelau, ti e puli se ovi e tasi, e leaise tuku e ia a ovi e kau iva tupu iva i le toafa, kae ano a ia o afa leia kua puli, o kaku ki lana maua a ia ?

Luka 19:10

Talie kua au le Vosa o le tagata ke afa mo fakamauli le nea leia kua puli.

Luka 9:60

Kae na pati loa Sesu kiate ia : Tuku le kau mate ke tanu ia olatou mate ; kae ko koe, ano o fakasa le puleaga o le Atua.

Soane 11:25

Na pati loa Sesu kiate ia : Ko au ko le toe tuuake mo le mauli. Ko leia e tui kiate au e mauli loa a ia, tatau aifai pe mate a ia ;

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?

Loma 12:15

Ke kotou fakafiafia mo latou e fiafia ; ke kotou tagi mo latou e tagi.

Loma 6:11

Koia ko koutou totonu, ke kotou tio ai kia koutou kua kotou mate maoki ki le agasala, ti kua kotou mauli ki le Atua ia Sesu-Kilisito.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 12:26

Ti kapau e mamae se koga tino e tasi, e mamae a koga tino fuli mo ia ; ti kapau e fakamauiga se koga tino e tasi, e fiafia a koga tino fuli mo ia.

Efeso 2:1

Na kotou mamate i akoutou patigataa mo akoutou agasala,

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.

Apokalipisi 3:1

Tosi ki le aselo o le Ekelesia o Salete : Ko leinei le nea leia e pati ki ai leia e nofo mo Laumalie e fitu o le Atua ti mo fetuu e fitu : E kau iloa au gaoi. E kau iloa e ke maua le igoa e ke mauli, kae e ke mate.