Luka 15:20 - Tosi Tapu

²⁰ Ti na tuu loa a ia ki aluga, ti na ano loa a ia ki lona tamana. Koi natu a ia i mamao, kae kua tio mai lona tamana kiate ia, ti na manavaalofa loa a ia, ti na makape loa a ia, o fui lona vosa ki ona lima, ti mo sogi kiate ia.

Luka 15:20 ပူးပေါင်းရင်းမြစ်များ

Senesi 33:4

Na makape loa Esau o fakafelavei kiate ia ; ti na folasi loa e ia ona lima kia Sakopo, o fui lona ua mo sogi kiate ia. Ti na la fetagisi loa.

Senesi 45:14

Na fui loa e Sosefo le ua o lona taina ko Pesamino, o tagi. Ti na tagi loa Pesamino i lona ua.

Senesi 46:29

Na teuteui loa e Sosefo lana saliote, ti na eke loa a ia ki ai, ti na ano loa a ia ki Koseni, o fakafelavei ki lona tamana ko Iselaele. I lana tio ki lona tamana, na makape loa a ia o kalu ki lona ua, o sogi kiate ia, ti na tagi loa a ia o fualoa i lona ua.

Lua tosi a Samuele 14:33

Na ano loa Soape, o fakasa le nea lena ki le sau ti na kalagai loa e le sau Apesalone. Na au loa Apesalone ki le sau ti na punou loa ona mata ki le kele i mua o le sau. Na sogi loa le sau kia Apesalone.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Esaia 49:15

Pe galoi e se fafine lana fanau leia e fakau e ia ? Pe leaise alofa a ia ki le fua o lona manava ? Pe ka galoi loa e le tinana lana fanau, Ko au e leaise kau galoi loa a koe.

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Luka 15:19

e leaise koi kau gali ke fakaigoa a au ko lou vosa ; too au ofaipe se tasi o au tagata gaoi totogi.

Luka 15:21

Na pati loa le vosa kiate ia : Tamana, kua kau agasala ki le lagi ti mo koe, e leaise koi kau gali ke fakaigoa au ko lou vosa.

Gaoi 2:39

Talie na fai le fakapapau lena kia koutou, mo akoutou fanau, ti mo latou fuli ala e nonofo i mamao, latou fuli ala e kalagai loa e le Aliki lotatou Atua.

Gaoi 20:37

Ti na lotou tagi mamae fuli loa, ti na lotou kalu loa ki le ua o Paulo, o sogi kiate ia,

Efeso 2:13

Kae i le temi nei, ia Sesu-Kilisito, ko koutou ala na mamao i mua, kua fakafeofi mai koutou e le toto o Kilisito.

Efeso 2:17

Ti na au a ia o fakasa le tokamalie kia koutou ala na mamao, ti mo le tokamalie kia latou ala na ofi ;