Luka 15:10 - Tosi Tapu

¹⁰ Koia e kau pati atu ai kia koutou : e i ai se fiafia i mua o le kau aselo o le Atua i se tagata agasala e toka tasi leia e fakasemala.

Luka 15:10 ပူးပေါင်းရင်းမြစ်များ

Esekiele 18:23

E pati le Aliki, le Eteleno : Pe ko loku loto leia ke mate le tagata agasala ? Pe leaise ko loku loto ke tafoki a ia i lona ala ti ke mauli a ia ?

Esekiele 18:32

E pati le Aliki, le Eteleno : E leaise kau loto ki le mate o leia e mate. Koia kotou tafoki, ti kotou mauli.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Mateo 10:32

Koia, ko leia e fakasa ia au i mua o le kaugamalie, e kau fakasa loa a ia i mua o loku Tamana leia e nofo i le lagi.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 18:14

Koia e leaise ko le finegalo ai o lokoutou Tamana i le atu lagi ke puli se toka tasi o toe liliki ana.

Luka 12:8

E kau pati atu kia koutou, ko leia e fakasa ia loa au i mua o tagata, e toe fakasa loa a ia e le Vosa o le tagata i mua o le kau aselo a le Atua ;

Luka 12:9

kae ko leia e fakafiti loa kiate au i mua o le tagata, e toe fakafiti loa le Vosa o le tagata kiate ia i mua o le kau aselo a le Atua.

Luka 13:5

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Luka 15:11

Na toe pati foki Sesu : Na maua e se tagata ni vosa e toka lua.

Luka 15:7

Koia e kau pati atu ai kia koutou, e ia loa se fiafia lasi ake i le lagi i se tagata agasala e toka tasi leia e fakasemala, i ni tagata agatonu e tino iva tupu iva ala e leaise aoga ki ai le fakasemala.

Luka 15:9

Ka maua e ia a ia, ti e kalagai e ia ona kaukau nea mo ona vasaa fale : Kotou fiafia mo au, talie kua kau maua laku fa talame leia na puli !

Luka 7:47

Koia e kau pati atu ai kiate koe, kua fakamolemole ana agasala ala na lasi ai ; koia leia na alofa lasi ai a ia. Kae ko leia e fakamolemole ikiiki ki ai e alofa ikiiki.

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Lua tosi ki le kau Kolinto 7:10

Koia, ko le loto mamae mei le Atua e fakatupu ia se fakasemala ki le mauli, leia e leaise tou toe fakasemala ki ai, kae ko le loto mamae mei le malama nei e fakatupu ia le mate.

Filemo 1:15

Na saga na mavae a ia meiate koe i se ga temi noa, o tupu ke ke toe maua a ia ki le lee gato,

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?