Luka 14:32 - Tosi Tapu

³² Kapau e leaise mafai e ia, ti e kakau e ia se fakafofoga ke ano ki leia ake a sau, ka koi mamao a ia, o kole le tokamalie.

Luka 14:32 ပူးပေါင်းရင်းမြစ်များ

Sopo 40:9

Ti e kau fakavikiviki loa Ki le makeke o lou lima atamai.

Mateo 5:25

Fakatokatoka vave mo lou fili i le temi leia e kolua ano ai i le ala, o tupu ke aua na ave loa e ia a koe ki le tui fakamaau, ti ke aua na ave loa a koe e le tui fakamaau ki le ofisa, ti ke aua na ave loa a koe ki le pilisoni.

Mateo 5:42

Soli ki leia e kole atu kiate koe, ti aua na ke titua ki leia e fia too maua meiate koe.

Luka 12:58

Ka ke ano mo lou fili ki mua o le tui fakamaau, faiga ke ke lauatea meiate ia i le temi leia e kolua ano fakatasi ai i le ala, talie ke aua na ave loa e ia a koe ki mua o le tui fakamaau, ti ke aua na ave loa a koe e le tui fakamaau ki le ofisa, ti ke aua na fakaulu loa a koe e le ofisa ki le pilisoni.

Luka 14:31

Pe ko le sau fea, mo ka ano o tau ki se tasi ake a sau, e leaise tonatona mua o fakakaukau pe mafai e ia, mo ni tagata e tino agafulu afe, ke ano o tau ki leia e au kiate ia mo ni tagata e tino lua afe.

Luka 14:33

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Gaoi 12:20

Na nofo Elote mo se ita lasi ki kakai o fenua ko Tile mo Sitone. Kae na lotou loto tasi loa ke lotou ano kia Elote ; ti na lotou maua loa Palasetusi, ko le tagata leo o le kogafale o le sau ; ti na lotou kole loa le tokamalie kia Elote, talie na mauli olatou fenua mei le fenua o le sau.