Luka 14:26 - Tosi Tapu

²⁶ Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Luka 14:26 ပူးပေါင်းရင်းမြစ်များ

Pesalemo 139:22

E kau vesia kia latou ki se vesia e totonu ; E kau lau latou i oku fili.

Numelo 10:30

Na tali loa Opapi kiate ia : E leaise kau ano loa mo koutou ; kae kau toe liliu loa ki loku fenua mo loku famili.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Luka 14:20

Ti na pati loa se tasi : Nao kau avaga fua mo se fafine, koia e leaise mafai ai ke kau natu.

Luka 14:25

Na ano ni kakai toka api mo Sesu i le ala. Ti na mafuli loa a ia ki muli, o pati kia latou :

Soane 12:25

Ko leia e alofa ki lona mauli e pulinoa loa, kae ko leia e vesia ki lona mauli i le malama nei e taupau ia loa a ia ki le mauli lee gato.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Loma 9:13

Na kau alofa kia Sakopo Ti na kau vesia kia Esau.

Tetelonome 21:15

Kapau e maua loa e se tagata ni avaga e lua, ti e alofa loa a ia ki se tasi fafine o lasi ake i leia ake fafine, ti kapau e maua loa e ia ni vosa, ti ko le uluaki ko le vosa a ia o le fafine leia e leaise alofa a ia ki ai,

Tetelonome 33:9

Na pati a Levi ki lona tamana mo lona tinana : Na leaise kau tio kia laua ! E leaise fakamailoga kese e ia ona fetaina totonu, E leaise iloa e ia ana fanau totonu. Talie e lotou fai au folafola, Ti e lotou taupau lau sai.

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.