Luka 14:15 - Tosi Tapu

¹⁵ Ko se tasi o latou ala na eke i le laupapa kai, i lana logo ki folafola ana, na pati loa kia Sesu : Manuia leia e kai loa i le puleaga o le Atua !

Luka 14:15 ပူးပေါင်းရင်းမြစ်များ

Mateo 25:10

I le lolotoga o lalatou ano o totogi lolo, na kaku mai loa le tagata avaga ; ko latou ala kua teuteu na ulu loa mo le tagata avaga ki le kogafale o le faiavaga, ti na tapono loa le matapa.

Mateo 8:11

Ti e kau fakasa atu kia koutou, e au loa se toka api mei le sopoaga o le laa mo le viloaga o le laa, ti e lotou eke loa i le laupapa mo Apalaamo, mo Isaake, ti mo Sakopo i le Puleaga o Selo.

Luka 12:37

Manuia a tagata fakasausau ana ka maua mai loa e le pule e alaala, mo ka kaku mai a ia ! E kau fakasa maoki atu kia koutou : E toi loa e ia lona kilii pipi, ti e fakaeke loa e ia latou ki le laupapa kai, ti e au loa a ia o takatuu kia latou.

Luka 13:29

E au loa mei le sopoaga o le laa mo le galoaga o le laa, mei le potu tokelau mo le potu toga ; ti e lotou kai loa i le puleaga o le Atua.

Luka 22:16

Talie, e kau fakasa kia koutou, e leaise kau toe kai loa a ia o kaku ki lona fakasoko katoa i le Puleaga o le Atua.

Luka 22:30

E kotou kai loa mo inu loa i loku laupapa i loku puleaga, ti e kotou ekeeke loa i ni ekeekeaga fakasau, o fakamaaui a faasiga e kau agafulu tupu lua o Iselaele.

Apokalipisi 19:9

Ti na pati mai loa le aselo kiate au : Tosi : Manuia latou ala kua kalagai ki le kaitasi o le avaga o le Akeno ! Ti na toe pati mai loa a ia kiate au : Ko folafola anei ko folafola maoki latou a le Atua.