Luka 14:13 - Tosi Tapu

¹³ Kae, ka ke fai se kaitasi, fakaafe le kau mativa, mo le kau maimoa, mo le kau kito, mo le kau kivi.

Luka 14:13 ပူးပေါင်းရင်းမြစ်များ

Lua tosi a Samuele 6:19

Ti na tufa loa e ia ki le kakai katoa, ki le kakai api o Iselaele, ki tagata mo fafine, ki le tagata taki toka tasi, se fa pane, mo se potu inati, mo se fa fagu vino. Ti na mavete loa le kakai katoa, o tasi ano ki lona kaiga.

Lua tosi o Koloniko 30:24

talie na soli e Esekiasi, sau o Suta, ki le fakatasiga ni pipi tagata e afe mo ni ovi fafine e fitu afe, ti na soli e le kau pule ni pipi tagata e afe mo ni ovi fafine e kau agafulu afe, ti na fakamea ni kau tagata faisakilifisio toka api ai.

Neemia 8:10

Na lotou pati loa ki le kakai : Kotou ano, kotou kai ni inati malilie, ti kotou inu ni nea inu malilie, ti kotou ave ni vaega kia latou ala na leaise teuteui ia se nea kai, talie ko le aso leinei kua fakatapui ki lotatou Aliki ; aua na kotou loto mamae, talie ko le fiafia o le Eteleno ko lokoutou makekeaga.

Neemia 8:12

Ti na ano loa le kakai katoa o kai, mo inu, mo tufa alatou nea kai, ti mo fakafiafia. Talie na lotou matala loa ki le uiga o le folafola leia na fakamatala kia latou.

Sopo 29:13

Na au kiate au le tapuakina a le tagata fakaaloalofa ; Ti na kau fakaapele ki le fiafia le loto o le fafine lokonui.

Taagapati 14:31

Ko le fakaveliveli o le tagata mativa ko le lauveli ki leia na fakatupu ia a ia, Kae ko le alofa ki leia e fakaaloalofa ko le fakamauiga o leia na fakatupu ia a ia.

Taagapati 22:9

E manuia loa le tagata manava alofa, Talie e vaevae e ia lana pane mo le mativa.

Esaia 58:10

Ti kapau e ke soli le pane leia e ke kai ki leia e fia kai, Kapau e ke fakamakeke le loto e mamae, E sopo ake loa lou malama i le fakapouli, Ti e fai loa ou fakapouli pe le lalatea.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Mateo 15:30

Ti na fakafeofi ake loa kiate ia se kakai toka api, o aumai ni kito, mo ni kivi, mo ni gutu mate, mo ni maimoa, ti mo ni iki ake masaki mauke ai. Na tuku loa latou ki vae o Sesu, ti na fakamauli loa e ia latou ;

Mateo 22:10

Na ano loa a tagata fakasausau ki ala, o lotou tae latou fuli ala na lotou maua loa i ai, le kau agaveli mo le kau agamalie, ti na apele loa le kogafale o le kaitasi i le kau fakaafe.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 14:12

Na toe pati foki a ia ki leia na fakaafe ia a ia : Ka ke fai se kai lalatea pe ko se kai afiafi, aua na ke fakaafe ou kaukau nea, pe ko ou fetaina, pe ko ou famili, pe ko ou vasaa fale mou koloa, o tupu ke aua na lotou toe fakaafe a koe ti mo toe totogi atu kiate koe le nea leia na ke fai kia latou.

Luka 14:14

Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.

Luka 14:21

Na toe liliu loa le tagata fakasausau ki lona pule, o fakamatala kiate ia a nea fuli ana. Ti na itaita loa le pule o le fale, o pati ki lana tagata fakasausau : Ano fakatavili ki lapalasi ti mo ala o le kolo, o taki mai ki leinei le kau mativa, mo le kau maimoa, mo le kau kivi, ti mo le kau kito.

Gaoi 9:39

Ti na tuu ake loa Petelo o ano mo laua. I lana kaku atu ki ai, na taki loa a ia ki le kogafale i fata. Ti na takatakai loa a ia e fafine lokonui fuli, o tagi mo fakasa ake kia Petelo a kofu mo taupulupulu ala na fai e Tolokasi i lana koi nofo mo latou.

Tetelonome 14:29

Ti e au loa le Levi, leia e leaise maua ia se vaega mo se tofiga mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i ou matapa, ti e lotou kai loa ti e lotou makokona loa, o tupu ke tapuaki loa kiate koe le Eteleno, lou Atua, i gaoi fuli ala e fai loa e ou lima.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:14

E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.

Uluaki tosi kia Timoteo 3:2

Koia e tonu ai le epikopo ke lee sala, ke avaga mo se fafine e tasi, ke tokaga, ke fakapotopoto, ke poto i le taki o lona mauli, ke fakatalitali kaiga matapule, ke poto i le akonaki.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Tito 1:8

kae ke fakatalitali kaiga malie a ia, ti ke kaukau nea a ia mo tagata malilie, mo fakapotopoto, mo faitotonu, mo maokioki, mo loto lolomi,

Filemo 1:7

Koia na kau logoi ai se fiafia lasi mo se fakapelepele o tupu ko lou alofa ; talie kua ke fakafimalie ia, ei taina, le loto o le kau sagato.

Epelo 13:2

Aua na kotou galoi le fakaafe o kaiga matapule ; talie i le fai o le nea lena, na fakaafe ai e ni iki ni aselo kae e leaise lotou iloa a ia.